Öryrkjabandalag Íslands 50 ára!
Stofnfundur bandalagsins var 5. maí 1961
Stofnfélögin voru sex:
- Ás styrktarfélag (sem þá hét Styrktarfélag vangefinna),
- Blindrafélagið
- Blindravinafélag Íslands
- SÍBS - Samband íslenskra berkla- og brjóstholssjúklinga
- Sjálfsbjörg, landssamband fatlaðra
- Styrktarfélag lamaðra og fatlaðra (SLF)
Fyrsta stjórn ÖBÍ var skipuð einum fulltrúa frá hverju þessara félaga. Mynd hér hægra megin á síðunni sýnir fyrstu stjórn ÖBÍ ásamt framkvæmdastjóra, talið frá vinstri :
- Andrés Gestsson, Blindrafélaginu
- Einar Eysteinsson, Blindravinafélaginu
- Sveinbjörn Finnsson, Styrktarfélagi lamaðra og fatlaðra
- Oddur Ólafsson, SÍBS og fyrsti formaður ÖBÍ
- Sigríður Ingimarsdóttir, Styrktarfélagi vangefinna (nú Ás styrktarfélag)
- Zophanías Benediktsson, Sjálfsbjörg landssambandi fatlaðra
- Guðmundur Löve, fyrsti framkvæmdastjóri ÖBÍ
Heimildarmynd frumsýnd um 50 ára sögu bandalagsins.
Af tilefni 50 ára afmælisins var afmælisfagnaður 5. maí sl., á Hilton Reykjavik Nordica Hótel, þar sem meðal annars var frumsýnd heimildarmyndin „Eitt samfélag fyrir alla, Öryrkjabandalag Íslands í 50 ár.“ Rauður þráður myndarinnar er mannréttindabarátta.
Þetta er í fyrsta sinn sem gerð er heimildarmynd um ÖBÍ en höfundur myndarinnar Páll Kristinn Pálsson hefur unnið að gerð hennar undanfarið ár. Fjallað er um sögu bandalagsins í máli og myndum. Efniviðurinn kemur að megninu til frá sjónvarpi RÚV, Kvikmyndasafni Íslands, persónulegum myndasöfnum og miklum fjölda viðtala sem Páll tók við marga af upphafsmönnum bandalagsins og fyrrum stjórnar- og starfsmönnum.
Kíkið á heimildarmyndina á heimasíðu ÖBÍ.
Útgáfa bókar og sögusýning um sögu ÖBÍ í 50 ár í 
Ráðhúsi Reykjavíkur.
Þann 14. nóvember var útgáfuhóf í tilefni útkomu bókarinnar Eitt samfélag fyrir alla, saga Öryrkjabandalags Ísalnds 1961-2011. Við það tilefni var opnuð sögusýning í Ráðhúsi Reykjavíkur sem stóð í 3 vikur.