Laugardaginn 3. desember næstkomandi, á alþjóðadegi fatlaðs fólks, verða hvatningarverðlaun Öryrkjabandalag Íslands veitt í tíunda sinn. Verðlaunin verða afhent við hátíðlega athöfn í Silfurbergi í Hörpu kl. 13-15. Megintilgangur verðlaunanna er að varpa ljósi á þá sem hafa með jákvæðum hætti stuðlað að einu samfélagi fyrir alla.
Verðlaunin eru veitt í þremur flokkum, flokki einstaklinga, flokki fyrirtækja/stofnana og flokki umfjöllunar/kynningar. Verndari verðlaunanna er Hr. Ólafur Ragnar Grímsson. Hönnuður verðlaunagripsins er Þórunn Árnadóttir, vöruhönnuður. Við athöfnina verða einnig afhentir styrkir ÖBÍ til íþróttafólks sem keppti á Ólympíumóti fatlaðra, sem haldið var í Brasilíu í september.
Tilnefningar 2016:
Í flokki einstaklinga:
- Friðrik Sigurðsson, fyrrverandi framkvæmdastjóri Þroskahjálpar – fyrir störf sín í þágu fólks með þroskahömlun og aðstandenda þeirra.
- Hanna Jónsdóttir – fyrir frumkvöðlastarf í þágu fatlaðs fólks í Stykkishólmi.
- Karl Þorsteinsson – fyrir sjálfboðastörf í þágu fatlaðs íþróttafólks.
Í flokki fyrirtækja/stofnana:
- Dagsól ehf./verslunin Next – fyrir metnaðarfulla starfsmannastefnu sem meðal annars felur í sér að ráða fólk með skerta starfsgetu.
- IKEA – fyrir hvetjandi starfsumhverfi sem meðal annars felur í sér að ráða fólk með skerta starfsgetu.
- Útmeð´a, samstarfsverkefni Geðhjálpar og Hjálparsíma Rauða krossins 1717 – tilgangur verkefnisins er að vekja athygli á hárri tíðni sjálfsvíga meðal ungs fólks og hvetja til umræðu um geðheilbrigði.
Í flokki umfjöllunar/kynningar:
- Ferðabæklingar fésbókarsíða – fyrir ítarlega og virka umfjöllun um aðgengismál fatlaðs fólks.
- Upplifun fyrir alla, styrktarsöfnun fyrir Reykjadal – haldin á vegum meistaranema við Viðskiptafræðideild Háskóla Íslands.
- Tabú – fyrir fræðslu og markvissa umfjöllun um stöðu fatlaðs fólks í samfélaginu.
Dagskrá:
13.00 Húsið opnar – Tónlist í Eyri
13.10 Veislustjóri býður fólki að ganga í salinn
13.20 Setning: Ellen Calmon, formaður ÖBÍ
13.25 Afhending styrkja til ólympíufara á Ólympíumóti fatlaðra í Brasilíu 2016
13.30 Söngur: Bergþór Pálsson og Egill Ólafsson
Undirleikur: Jónas Þórir
Uppistand: Elva Dögg Hafberg Gunnarsdóttir
13.45 Ræða: Sigrún Birgisdóttir, formaður undirbúningsnefndar Hvatningarverðlauna ÖBÍ
14.00 Tilnefningar kynntar og verðlaunaafhending
Veislustjóri: Einar Þór Jónsson
Fyrir athöfn: Píanóleikur í Eyri, Theódór Helgi Kristinsson
Að athöfn lokinni: Veitingar í Eyri, forsal framan við Silfurberg.
