Getur öryrki fengið afslátt á bifreiðagjöldum?

Fullt svar:

Já, ökutæki í eigu þeirra sem njóta örorkubóta eða umönnunarbóta vegna örorku barna eru undanþegin bifreiðagjaldi. Hafið þó eftirfarandi í huga:

1. Einungis er veitt undanþága á eina bifreið fyrir hvern rétthafa.
2. Úrvinnslugjald er ekki undanþegið og þarf að greiða.
3. Ekki er fellt niður bifreiðagjald af bifreið sem er 3.500 kg. (eigin þyngd) og nýtt í atvinnurekstri.
4. Athugið að eigandi að ökutæki sem komið er með á móttökustaði til förgunar skal fá 15.000 kr. í skilagjald.

Þeir sem ekki fá sjálfkrafa niðurfellingu á bifreiðagjaldi geta beðið þjónustumiðstöð Tryggingastofnunar ríkisins í síma 560-4400, eða umboðin um að koma staðfestingu á bótarétti til Ríkisskattstjóra.

 Sjá nánar í:

Reglugerð nr. 359/1998, um bifreiðagjald.

Reglugerð nr. 811/1998, um breytingu á reglugerð nr. 359/1998, um bifreiðagjald.