Hvar fæst P-merki, öðru nafni stæðiskort, til að hafa í bíl hreyfihamlaðra?

Stæðiskort - „P-merki"

Samkvæmt reglugerðinni gildir eftirfarandi:

stæðiskort eru gefin út á persónu, ekki bílnúmer.

eldri kort (útgefin af Sjálfsbjörg) gilda út sinn gildistíma, þó svo korthafi skipti um bíl.

Umsókn þarf að fylgja:

• Útfyllt umsóknareyðublað
• Læknisvottorð
• Mynd
• Rithandarsýnishorn þarf einnig að fylgja umsókninni.

Umsóknareyðublöð um „P-merki" stæðiskort , á lögregluvefnum.

ATH! Einstaklingar búsettir á höfuðborgarsvæðinu sækja um á skrifstofu Sýslumannsins í Kópavogi, Dalvegi 18, 200 Kópavogi.

Einstaklingar búsettir í öðrum sveitarfélögum sækja um hjá sýslumönnum á hverjum stað.

Hægt er að sækja um í viðkomandi afgreiðslu og skila inn fylgiskjölum og gefa rithandarsýnishorn um leið. Hins vegar er einnig hægt að senda umsókn ásamt fylgiskjölum og gefa rithandarsýnishorn þegar merkið er sótt.

Sjá nánar í reglugerð dómsmálaráðuneytisins, nr. 369/2000, um útgáfu og notkun stæðiskorta fyrir hreyfihamlaða.