Fréttir
Greiðslur úr séreignalífeyrissjóðum skerða ekki atvinnuleysisbætur og húsaleigubætur
Alþingi hefur samþykkt frumvarpi félags- og tryggingamálaráðherra til breytinga á lögum um atvinnuleysistryggingar og lögum um húsaleigubætur. Hætt verður að skerða atvinnuleysisbætur og húsaleigubætur vegna tekna (greiðslna) úr séreignarlífeyrissjóðum.
Réttur á endurgreiðslu - sækja þarf um fyrir 1. september 2010!
Þeir sem hafa fengið skertar atvinnuleysisbætur vegna séreignalífeyrisgreiðslna eftir 1. mars 2009 eiga rétt á endurgreiðslu sem nemur skerðingunni. Sækja þarf um endurgreiðslu til Atvinnuleysistryggingasjóðs fyrir 1. september 2010.
Gilditími ákvæðis um hlutfallslegar atvinnuleysisbætur framlendur til 31. desember nk.
Með breytingu á lögum um atvinnuleysistryggingar hefur verið framlengdur gildistími bráðabirgðaákvæðis um greiðslu hlutfallslegra atvinnuleysisbóta þegar starfshlutfall fólks hefur verið skert vegna erfiðra aðstæðna á vinnumarkaði. Gildistími ákvæðisins er nú til 31. desember 2010.
Sjá lokaafgreiðslu á vef Alþingis. (opnast í nýjum vafra)
