Skip to main content
Frétt

Allir flokkar styðja innleiðingu

By 21. febrúar 2013No Comments
á mannréttindasáttmála Sameinuðu þjóðanna um réttindi fatlaðs fólks 

Frambjóðendur ellefu framboða sem mættu á opinn fund Öryrkjabandalagsins í gær lýstu allir yfir stuðningi við að mannréttindasáttmáli Sameinuðu þjóðanna um réttindi fatlaðs fólks yrði fullgiltur sem fyrst hér á landi.  Einnig voru allir fylgjandi því að samningurinn yrði löggiltur í fyllingu tímans. Góð aðsókn var að fundinum sem var haldinn á Hilton hótelinu í Reykjavík en honum var einnig sjónvarpað beint um heimasíðu Öryrkjabandalagsins og þar verður hægt að skoða upptöku frá fundinum.

Flokkum sem hafa tilkynnt um framboð á landsvísu í Alþingiskosningunum í lok apríl næstkomandi varFulltrúar framboða til Alþingis 2013 í fallborði á fundi ÖBÍ um sáttmála SÞ boðið að koma á fundinn og fræðast um málið og kynna afstöðu sína til fullgildingar mannréttindasáttmálans.  Alls þekktust ellefu flokkar boðið og sendu fulltrúa sína á fundinn en þeir voru: Freyja Haraldsdóttir (Björt framtíð), Þorvaldur Þorvaldsson (Alþýðufylkingin), Örn Bárður Jónsson (Lýðræðisvaktin), Metúsalem Þórisson (Húmanistaflokkurinn), Áslaug María Friðriksdóttir (Sjálfstæðisflokkurinn), Kjartan Örn Kjartansson (Hægri grænir), Birkir Jón Jónsson (Framsóknarflokkur), Ragnar Ingólfsson (Dögun), Halldóra Mogensen (Píratarnir), Ólafur Þór Gunnarsson (Vinstri grænir) og Jónína R. Guðmundsdóttir (Samfylkingin).Rgnar Gunnar Þórhallsson, fundarstjóri, Guðmundur Magnússon, formaður ÖBÍ; Gerður A. Árnadóttir, formaður Þroskahjálpar, Áslaug Friðriksdóttir, Sjálfstæðisflokki, einn fulltrúi framboða

Áður en fulltrúar flokkanna svöruðu spurningum um afstöðuna til fullgildingar mannréttindasáttmála Sameinuðu þjóðanna, héldu þær Rannveig Traustadóttir forstöðumaður Rannsóknaseturs í fötlunarfræðum við HÍ og Brynhildur Flóvenz dósent við lagadeild HÍ stutt erindi. Rannveig fjallaði um sögu, samhengi og hugmyndafræði að baki sáttmálans og Brynhildur fjallaði um skyldur íslenska ríkisins samkvæmt samningnum.

Fundarstjóri var Ragnar Gunnar Þórhallsson en þau Guðmundur Magnússon formaður Öryrkjabandalagsins, Gerður A. Árnadóttur, formaður Landssamtakanna Þroskahjálp og Margrét Steinarsdóttur, framkvæmdastjóri Mannréttindaskrifstofu Íslands tóku þátt í pallborði og lögðu spurningar fyrir fulltrúa flokkanna.