Skip to main content
Frétt

Ályktun ÖBÍ og Þroskahjálpar um ferðaþjónustu Strætó

By 5. febrúar 2015No Comments

Ellen Calmon, formaður ÖBÍ og Bryndís Snæbjörnsdóttir, formaður LÞ, sendu fjölmiðlum eftirfarandi ályktun fyrir hönd sinna samtaka í dag 5. febrúar, í kjölfar alvarlegs atviks sem varð í gær hjá ferðaþjónustu Strætó.

Landssamtökin Þroskahjálp og Öryrkjabandalag Íslands harma þann alvarlega atburð sem átti sér stað í gær hjá Akstursþjónustu Strætó b.s. þar sem vítavert gáleysi var sýnt í starfi.

Alvarleg atvik hafa átt sér ítrekað stað og hefur fatlað fólk og hagsmunasamtök þeirra margoft bent á hættuna sem hefur verið yfirvofandi hjá ferðaþjónustunni vegna skorts á samráði, regluverki og vanhugsaðri framkvæmd.

Margt af því sem upp hefur komið hefði verið hægt að koma í veg fyrir ef betur hefði verið staðið að undirbúningi og ef tekið hefði verið tillit til ábendinga fatlaðs fólks, þarfa þeirra og þekkingar.

Aðgerða er þörf nú þegar og lýsa samtökin eindregnum vilja til að koma að málum.

Ellen Calmon, formaður ÖBÍ

Bryndís Snæbjörnsdóttir, formaður LÞ