Skip to main content
Frétt

Áttu einhvern pening inni hjá SÍ?

By 5. desember 2012No Comments

Sjúkratryggingar Íslands óska eftir að um 19.000 einstaklingar sem eiga inneign hjá stofnuninni skrái bankareikning sinn í Réttindagátt (mínar síður á www.sjukra.is).

Ósóttar endurgreiðslur

Um það bil 19.000 einstaklingar eiga nú inni endurgreiðslu hjá SÍ vegna þess að stofnunin hefur ekki undir höndum bankareikningsnúmer þeirra. Ástæðuna má rekja að einhverju leyti til rafvæðingar afsláttarkortakerfisins. Í dag þurfa einstaklingar síður að skila pappírsreikningum/kvittunum til að sækja endurgreiðslu hjá SÍ og skrá þar af leiðandi ekki alltaf upplýsingar um bankareikninga hjá stofnuninni.

SÍ hvetur því einstaklinga til að kanna stöðu sína í Réttindagátt (mínar síður) á www.sjukra.is. Inni í gáttinni má kanna mögulega inneign undir flokknum „Viðskiptastaðan mín“. Ef inneign er til staðar er hægt að skrá bankareikning sinn í gáttinni undir „Mínar stillingar“ en einnig hvetjum við fólk til að skrá netfang sitt því SÍ sendir tilkynningu á skráð netföng þegar réttindi myndast.

Afgreiðsla lyfjaskírteina

Lyfjaskírteini eru nú alfarið rafræn og apótek sækja upplýsingar til SÍ um tilvist lyfjaskírteinis við lyfjakaup. Einstaklingar geta kannað afgreiðslu umsóknar læknis um lyfjaskírteini í ofangreindri Réttindagátt. Ekki gera sér allir grein fyrir þessu og því munu SÍ auglýsa þetta og hvetja fólk einnig til að skrá netfang sitt í gáttinni og fá þá tilkynningu um að umsókn hafi verið afgreidd.

Á eftirfarandi slóðum á vefsíðu SÍ má finna frekari upplýsingar:

http://www.sjukra.is/stodflokkar/forsidubanner/nr/452

http://www.sjukra.is/lyf-og-hjalpartaeki/lyf/lyfjaskirteini/