Skip to main content
Frétt

Eingreiðsla, 8,1% hækkun bóta almannatrygginga og hækkun framfærsluuppbótar

By 6. júní 2011No Comments

og fleira sem kynnt var á fundi í velferðarráðuneytinu fyrir stundu.

Á fjölmiðlafundi í velferðarráðuneytinu fyrr í dag voru kynntar þær hækkanir bóta almanntrygginga sem gerðar verða til samræmis við ný gerða kjarasamninga.

Eingreiðsla, 8,1% hækkun á flesta bótaflokka og  viðmið framfærsluppbótar hækkar.

Hér verður stiklað á stóru úr þeirri kynningu en nánar veður fjallað um málið þegar ítarlegri fréttir berast.

Allir líferyisþegar sem fengu greiddan einhvern lífeyri á tímabilinu 1. mars – 31. maí 2011 munu fá 50.000 krónu eingreiðslu.

Eftirtaldir bótaflokkar almannatrygginga hækka um 8,1% frá 1. júní 2011,

  • Elli- og örorkulífeyrir
  • Endurhæfingarlífeyrir
  • Aldurstengd uppbót
  • Tekjutrygging
  • Barnalífeyrir
  • Heimilisuppbót
  • Uppbætur á lífeyri
  • Sérstök uppbót til framfærslu

Aðrar bætur félagslegrar aðstoðar hækka einnig um 8,1% frá 1. júní 2011,

  • Mæðra- og feðralaun
  • Umönnunargreiðslur
  • Maka- og umönnunarbætur
  • Barnalífeyrir vegna menntunar
  • Dánarbætur

Viðmið framfærsluuppbótar hækkar úr 184.140 í 196.140 frá sama tíma.

Orlofsuppbót  til örorkuþega hækkar úr 24.374 í 34.489

Desemberuppbót til örorkuþega hækkar úr 37.786 í 52.901

Einnig mun uppbót vegna reksturs bifreiðar (bensínsstyrkur) hækka um 8,1% frá 1. júní fer úr 10.828 í kr. 11.705. Jafnframt mun uppbótin ekki skerða framfærsluuppbótina eins og verið hefur til þessa.

Greiðslur til foreldra langveikra eða alvarlega fatlaðra barna hækkaðar um 8,1% sem og fæðingarstyrkur til foreldra og ættleiðingarstyrkir.

Stefnt er að því að greiða eingreiðsluna ásamt leiðréttingu vegna júní sem fyrst samkvæmt upplýsingum sem ÖBÍ hefur fengið. Ekki var þó gefin upp nein dagsetning.