Skip to main content
Frétt

Evrópuár gegn fátækt og félagslegri einangrun

By 3. febrúar 2010No Comments
Áætlað er að 84 milljónir eða um 17% Evrópubúa búi við kjör sem eru undir fátæktarmörkum. Auglýst verður eftir átaksverkefnum í febrúar.

Evrópusambandið hefur helgað árið 2010 baráttu gegn fátækt og félagslegri einangrun. Stöðvum fátæktina strax er kjörorð átaksins. Forseti Evrópuráðsins José Manuel Barroso og spænski forsætisráðherrann José Luis Zapatero ýttu baráttunni formlega úr vör á ráðstefnu um málið, sem haldin var í Madríd á Spáni þann 21. janúar sl.

84 milljónir Evrópubúa búi við fáætktarmörk!

Talið er að um 17% Evrópubúa, þ.e. um 84 milljónir manna, búi við kjör sem eru undir fátæktarmörkum. Í ávarpi Barroso, sagði hann að baráttan gegn fátækt og félagslegri einangrun væri mikilvægur hluti af því að komast út úr efnahagskreppunni og benti á að oftast væru það hinir varnarlausu í samfélaginu sem yrðu harðast úti í slíku ástandi.

Alls taka 29 þjóðir þátt í Evrópuárinu gegn fátækt og félagslegri einangrun, þ.e. aðildarríki Evrópusambandsins auk Íslands og Noregs.

17 milljónir evra lagðar í átakið -auglýst eftir verkefnum í febrúar

Evrópusambandið leggur um 17 milljónir evra til átaksins og verður þeim varið til verkefna sem taka til allrar álfunnar, auk átaksverkefna sem einstakar þjóðir efna til í samræmi við helstu forgangsverkefni sín á þessu sviði. Félags- og tryggingamálaráðuneytið stýrir átakinu hér á landi. Auglýst verður eftir verkefnum í byrjun febrúar og er vonast eftir góðri þátttöku.

Sjá nánari upplýsingar á heimasíðu félags- og tryggingarmálaráðuneytis

Heimasíða ESB um Evrópuár 2010 gegn fátækt og félagslegri einangrun (opnast í nýjum vafra)