Skip to main content
Frétt

Gengur 300 kílómetra – frá strönd til strandar

By 14. ágúst 2012No Comments
Kristinn H. Einarsson, formaður Blindrafélagsins, mun í næstu viku hefja göngu þvert yfir England í því skyni að safna fé til rannsókna og tilrauna á arfgengum augnsjúkdómum.

Dagana 20. til 31. ágúst munu blindir og sjónskertir einstaklingar freista þess að ganga um 300 km leið þvert yfir England á 10 dögum. Verkefnið er skipulagt af bresku RP Fighting blindness samtökunum.

Tilgangurinn er að safna fé til áframhaldandi rannsókna og klínískra tilrauna í því skini að finna meðferðir við ólæknandi arfgengum hrörnunarsjúkdómum í sjónhimnunni, sem eru algengustu orsakir blindu og alvarlegra sjónskerðinga hjá börnum og ungu fólki. Um er að ræða sjúkdóma og einkenni eins og RP, LCA, AMD, Usher, Stargar og fleiri. Á Íslandi eru þetta nokkur hundruð einstaklingar.

Formaður Blindrafélagsins, Kristinn Halldór Einarsson, hefur ákveðið að freista þess að safna áheitum til að geta tekið þátt í þessari fjáröflun og krefjandi áskorun. Lágmarksþátttökugjald fyrir þátttakanda og fylgdarmann er 3000 bresk pund, eða um 600.000 IKR.

Söfnunarreikningur vegna verkefnisins er í vörslu Blindrafélagsins. Reikningsnúmer: 515-26-440512 – kt. 470169-2149. Frekari upplýsingar veitir Kristinn í síma 661 7809.