Skip to main content
Frétt

Hringsjá útskrifar 14 nemendur

By 19. desember 2008No Comments
Þann 17. desember sl. útskrifuðust 14 nemendur frá Hringsjá – náms- og starfsendurhæfingu. Athöfnin fór fram í húsnæði skólans að Hátúni 10d í Reykjavík. Allir nemendurnir sem útskrifaðir voru að þessu sinni eru annaðhvort skráðir í framhaldsnám eða hafa tryggt sér atvinnu á almennum vinnumarkaði.

Hringsjá er námÚtskriftarnemar Hringsjár - desember 2008s- og starfsendurhæfing ætluð fullorðnum einstaklingum, 18 ára og eldri, sem hafa orðið fyrir slysi, veikindum eða öðrum áföllum og þurfa að endurmeta og styrkja stöðu sína til þátttöku á atvinnumarkaði eða til frekara náms. Hringsjá hefur verið starfrækt frá árinu 1987 og er rekin á grundvelli laga um vinnumarkaðsaðgerðir, almannatryggingar og málefni fatlaðra. Öryrkjabandalag Íslands ber ábyrgð á rekstrinum.

Umsóknum um nám í Hringsjá fjölgar stöðugt, og einungis er hægt að verða við um 25% þeirra. Nemendur Hringsjár koma frá mörgum sveitarfélögum, en langflestir frá Reykjavík, Hafnarfirði og Kópavogi.
Starfsemi Hringsjár er þríþætt:

  • Náms- og starfsendurhæfing, fullt nám í þrjár annir
  • Styttri námskeið
  • Ráðgjafar- og stuðningsþjónusta

Segja má að Hringsjá sé frumkvöðull á sviði nútíma náms- og starfsendurhæfingar.  Nýverið fór fram rannsókn á árangri af náms og starfsendurhæfingu meðal fyrrverandi nemenda Hringsjár  Niðurstöðurnar sýna m.a. að 75% þeirra sem lokið hafa a.m.k. 2 önnum hjá Hringsjá eru í vinnu eða námi eftir útskrift sína hjá Hringsjá. Meðal þeirra þátta sem fyrrum nemendur Hringsjár telja að námið hafi skilað sér er vinna, nám, aukin samfélagsleg þátttaka, betri heilsa, aukin lífsgæði og 92% telja að námið hafi skilað sér auknu sjálfstrausti.  Það var Guðrún Hannesdóttir sem framkvæmdi rannsóknina, og niðurstöður hennar má m.a. nálgast hjá Hringsjá. 

Frá upphafi hafa alls 368 nemendur verið útskrifaður eftir fullt nám, en mun fleiri hafa lokið námskeiðum eða hluta af námi. 

Hringsjá náms- og starfsendurhæfing er staðsett í Hátúni 10d, 105 Reykjavík.