Skip to main content
Frétt

Hver hlýtur Hvatningarverðlaun ÖBÍ í ár?

By 3. desember 2014No Comments

Síðdegis í dag, 3. desember á alþjóðadegi fatlaðs fólks mun ÖBÍ veita Hvatningarverðlaun sín í áttunda sinn.

Megin tilgangur verðlaunanna er að varpa ljósi á þá sem hafa með jákvæðum hætti stuðlað að einu samfélagi fyrir alla.

Verðlaunin eru veitt í þremur flokkum, flokki einstaklinga, flokki fyrirtækja/stofnana og flokki umfjöllunar/kynningar. Verndari verðlaunanna er Forseti Íslands, Hr. Ólafur Ragnar Grímsson. Hönnuður verðlauna er Þórunn Árnadóttir, vöruhönnuður. Tilnefndir eru;

Í flokki einstaklinga

  • Ólafur Helgi Móberg, fyrir að láta ekki fordóma hindra sig í lífi og starfi.  
  • Ólafur Ólafsson, fyrir að helga líf sitt íþróttum fatlaðs fólks.
  • Snorri Már Snorrason, fyrir verkefnið „Þín hreyfing – þinn styrkur“.

Í flokki fyrirtækja/stofnana:

  • Greiningar- og ráðgjafarstöð ríkisins, fyrir ritun bókarinnar „Litróf einhverfunnar“.
  • Háskóli Íslands, fyrir starfstengt diplómanám fyrir fólk með þroskahömlun.
  • Vin – athvarf, fyrir rekstur athvarfs fyrir fólk með geðraskanir.

Í flokki umfjöllunar/kynningar:

  • Arnar Helgi Lárusson, fyrir frumkvæði að átakinu „Aðgengi skiptir máli“.
  • Borgarleikhúsið, fyrir að opna heim leikhússins fyrir fötluðu fólki.
  • Embla Guðrúnar Ágústsdóttir og Guðrún Hjartardóttir, fyrir erindi sitt „Af hverju er barnið mitt ekki úti að éta sand?“.

Niðurstöður dómnefndar verða kunngerðar við hátíðlega athöfn í Silfurbergi, Hörpusíðar í dag.