Skip to main content
Frétt

Innlagnargjald á sjúkrahús.

By 9. janúar 2009No Comments
Frá og með 1. janúar 2009 bíður einstaklinga sem eru svo óheppnir að veikjast eða slasast, nýr glaðningur, þar sem nú mun þurfa að greiða kr. 6.000 fyrir innlögn á sjúkrahús. Lífeyrisþegar munu greiða kr. 3.000.

Fleira hækkar í nýrri gjaldskrá Sjúkratrygginga Íslands má þar nefna hækkun gjalda við vitjun læknis utan dagvinnutíma, kransæða- og hjartaþræðing og keiluskurðaðgerð og fleira.

Gjaldskrá Sjúkratrygginga Íslands á heimasíðu TR.

Munið afsláttarkort-passið upp á kvittanir.

Lífeyrisþegar fá afsláttarkort þegar kostnaður við heilbrigðisþjónustu fer yfir kr. 6.100

Gætið vel að öllum kvittunum og kannið hjá TR hvort allt hafi skilað sér rafrænt þar inn, því ekki eru allar læknastöðvar ennþá með tölvubúnað sem nýtist til að senda upplýsingar þar um beint til TR. Þeim kvittunum sem ekki hafa skilað sér til TR, geta einstaklingar skilað inn til stofnunar svo að afsláttarkort sé útbúið og ofgreidd þjónusta endurgreidd. Afsláttarkortið gildir út árið.