Skip to main content
Frétt

Leiðbeiningar fyrir öryrkja

By 28. maí 2014No Comments

Eva Hauksdóttir skrifar áhugaverða grein í Kvennablaðið 28. maí sl.

„Þingmenn allra flokka hafa farið þess á leit við félagsmálaráðherra að gefinn verði út leiðbeiningabæklingur fyrir öryrkja um réttindi þeirra og hvert þeir eigi að snúa sér til að sækja þann rétt. Þetta þykja mér góðar fréttir enda er örugglega þörf á slíkum bæklingi. Útlendingar á Íslandi þurfa líka á leiðarvísi að halda, kannski verða þeir næstir.

En öryrkjar þurfa ekki bara leiðarvísi um réttindi sín heldur einnig aðrar leiðbeiningar sem félagsmálaráðherra gæti veitt þeim. Eygló Harðardóttir er hagsýn húsmóðir sem hefur tekist að fæða fjögurra manna fjölskyldu fyrir aðeins 130.400 kr á mánuði eða 33.600 kr á mann. Nú eru öryrkjar stöðugt kvartandi um að þeir nái ekki endum saman. Þeir geta eflaust nýtt sér blogg þingmannsins til þess að fá góð ráð um matarinnkaup því á sama tíma og Eygló bloggaði um hagkvæmni í heimilisrekstri var örorkulífeyrir 34.053 kr á mánuði. Þeir öryrkjar sem fylgja fordæmi ráðherrans eiga því afgang!“

Tengill á greininni í heild, þar sem Eva fjallar um kostnað við heimsóknir á heilsugæslu og tillögu hennar um að „félagsmálaráðherra gefi út bækling, eða bara blogg, með leiðbeiningum um það hvernig 153.907 kr. eiga að duga fólki á mánuði til framfærslu.“