Skip to main content
Frétt

Mótmælum látekjusköttum!

By 26. júní 2009No Comments
ÖBÍ og Landssamband eldri borgara hvetja alla sem vettlingi geta valdið til að mæta á þingpalla og fylgjast með umræðum um frumvarpið sem hefst í dag um kl. 14.00.

Í dag föstudaginn 26. júní verður tekið fyrir á Alþingi frumvarp til laga um ráðstafanir í ríkisfjármálum. Í frumvarpinu er kveðið á um alvarlegan niðurskurð í almannatryggingakerfinu sem á að skila ríkissjóði tæplega 4 milljörðum kr. á ári. Hér er um harkalegar aðgerðir að ræða þegar haft er í huga að ríkisstjórn Íslands ætlar að verja heimilin í landinu, lágtekjufólk og millitekjufólk. ÖBÍ og LEB spyrja sig í því hvort heimili öryrkja- og ellilífeyrisþega séu undanskilin öðrum heimilum í landinu. Viljum við því hvetja alla sem vettlingi geta valdið til að mæta á þingpalla og fylgjast með umræðum um frumvarpið sem hefst í dag. Tímasetning liggur ekki fyrir en ráðgert er að umræður hefjist kl. 14.00. Dagskrá þingsins er auglýst á heimasíðu Alþingis á netfanginu: http://www.althingi.is/

Ef frumvarpið verður samþykkt sem lög á Alþingi í dag verður það mjög svartur dagur í réttindabaráttu örorku- og ellilífeyriþega. Viljum við hér enn og aftur hvetja þingmenn til að slá út af borðinu skerðingar á almannatryggingum og leita annarra leiða til að ná inn þeim fjármunum sem eiga að sparast við þessa aðgerð.

Mætum öll!       Sýnum samstöðu!