Skip to main content
Frétt

Námsstyrkir til fatlaðs fólks

By 10. október 2014No Comments

Kópavogsbær veitir styrki til fatlaðs fólks vegna námskostnaðar, verkfæra- og tækjakaupa. 

Kópavogsbær hefur vakið athygli á rétti fólks til að sækja um styrki skv. 27. grein laga um málefni fatlaðs fólks. Hér undir fellur námskostnaður, verkfæra- og tækjakaup.

Bænum er heimilt að veita styrk til greiðslu námskostnaðar sem ekki er greiddur samkvæmt ákvæðum annarra laga, enda teljist námið hafa gildi sem hæfing eða endurhæfing. Einnig er heimilt að veita þeim sem eru 18 ára og eldri styrk til verkfæra- og tækjakaupa vegna heimavinnu eða sjálfstæðrar starfsemi, enda teljist starfsemin hafa gildi sem félagsleg hæfing eða endurhæfing sem miði að því að auðvelda fötluðu fólki að skapa sér atvinnu.

Umsóknir skulu berast á þar til gerðu eyðublaði ásamt greinargerð til þjónustuvers Kópavogsbæjar, Fannborg 2, 200 Kópavogur. Eyðublaðið má nálgast í þjónustuveri Kópavogsbæjar eða á vef bæjarins.

Umsóknarfrestur er til og með 1. nóvember 2014.