Skip to main content
Frétt

ÖBÍ kærir auglýsingu Himins og hafs til SÍA

By 22. maí 2007No Comments
ÖBÍ hefur kært auglýsingastofuna Himin og haf til siðanefndar íslenskra auglýsingastofa vegna auglýsingar Öryggismiðstöðvar Íslands þar sem maður nefndur Lalli Johns er í aðalhlutverki.

Í bréfi ÖBÍ er vitnað til að slík myndbirting brjóti gegn almennri velsæmiskennd sbr. 1. gr. siðareglna SÍA. Bent er einnig á að verðlagsstofnanir og umboðmenn neytenda á Norðurlöndum hafi sett sér sameiginlegar stefnumarkandi reglur um sjónvarpsauglýsingar, í 4. gr. þeirra reglna segir m.a. að auglýsingar skuli ekki brjóta í bága við almenna góða siði og skuli ekki vanvirða mannlega sæmd.

Í lok kærubréfs ÖBÍ til SÍA segir  m.a. “Lalli Johns er þekktur á Íslandi sem heimilislaus maður og er að vissu leyti holdgervingur þess þjóðfélagshóps. Öryrkjabandalag Íslands telur að með framangreindri auglýsingarherferð sé ekki eingöngu alið á ótta almennings gagnvart Lalla Johns heldur gagnvart öllu heimilislausu fólki. Margir heimilislausir einstaklingar eru öryrkjar og því telur Öryrkjabandalag Íslands sér skylt að gæta hagsmuna þeirra þegar að þeim er vegið.”

Tengill á kærubréfið í heild.