Skip to main content
Frétt

Sambýlingarnir frumsýndir af Halaleikhópnum

By 28. janúar 2014No Comments
Þann 25. janúar  frumsýndi Halaleikhópurinn leikritið „Sambýlingana“ (á frummálinu, „The boys next door“) eftir ameríska leikskáldið Tom Griffin.

Verkið fjallar um 4 menn sem eru misjafnlega staddir í andlegum þroska og búa saman í íbúð.  Þeir sjá um sig að nokkru leyti sjálfir, en umsjónarmaðurinn Þór lítur til með þeim og sér um að allt gangi vel. Við fáum að fylgjast með þeim tækla hið daglega líf, sem getur reynst ansi snúið og niðurstaðan æði oft sprenghlægileg eða grátbrosleg. Rottuveiðar, partíhald og ástamál koma við sögu – og auðvitað er ekki hjá því komist að hið opinbera blandist í málin, þar sem að fatlaðir einstaklingar eiga aðild að málum.

Heimsókn til sambýlinganna er verulega mannbætandi, enda ekki á hverjum degi sem fólki gefst færi á að gráta og hlæja í einu og þeir og Halleihópurinn hlakka til að taka á móti ykkur í Hátúninu.

  • sunnudaginn 2. feb. kl. 17.00
  • laugardaginn 8. feb. kl. 17.00
  • sunnudaginn 9. feb. kl. 17.00

Miðaverð er 1500 kr. Miðapantanir í síma 897-5007 og midi@halaleikhopurinn.is

Hægt að kaupa heila sýningu þá kostar hún 50.000 kr.
Tilboð til leiklistarnemar í grunnskólum 1000 kr. miðinn.