Skip to main content
Frétt

Sitja allir við sama borð?

By 15. febrúar 2013No Comments

Hver er afstaða stjórnmálaframboða til sáttmála Sameinuðu þjóðanna um réttindi fatlaðs fólks? Fundur ÖBÍ á Hilton Reykjavík 20. febrúar 2013, kl. 14.00-16.00.

Öryrkjabandalag Íslands boðar til opins fundar með fulltrúum þeirra stjórnmálaflokka sem bjóða fram til Alþingis 2013 miðvikudaginn 20. febrúar 2013 kl. 14.00-16.00, í A sal, Hilton Reykjavík Nordica.

Rætt verður hvernig frambjóðendur sjá fyrir sér framtíð mannréttindasáttmála Sameinuðu þjóðanna um réttindi fatlaðs fólks á Íslandi.

ÖBÍ hvetur fatlað fólk, þá sem vinna að málefnum fatlaðs fólks og alla sem áhuga hafa á málefninu til að mæta á fundinn þar sem sáttmálinn verður stefnumótandi í málefnum fatlaðs fólks í framtíðinni.Sitja allir við sama borð? - Auglýsing ÖBÍ

Framsöguerindi

Sagan, samhengið og hugmyndafræðin að baki sáttmála SÞ um réttindi fatlaðs fólks: Rannveig Traustadóttir, prófessor í fötlunarfræðum við HÍ.

Skyldur íslenska ríkisins samkvæmt sáttmála SÞ um réttindi fólks með fötlun: Brynhildur Flóvenz, dósent við lagadeild HÍ.

Fulltrúar framboða sitja fyrir svörum frá

  • Guðmundi Magnússyni, formanni Öryrkjabandalags Íslands.
  • Gerði A. Árnadóttur, formanni Landssamtakanna Þroskahjálpar.
  • Margréti Steinarsdóttur, framkvæmdastjóra Mannréttindaskrifstofu Íslands.

Fundarstjóri: Ragnar Gunnar Þórhallsson.

Boðið verður upp á veitingar í upphafi fundar.

Táknmáls- og rittúlkun í boði.

Allir velkomnir!

ATH!    Bein útsending verður einnig frá fundinum um heimasíðu ÖBÍ.