Skip to main content
Frétt

Skerðingu á kjörum örorkulífeyrisþega mótmælt

By 16. desember 2008No Comments
Framkvæmdastjórn ÖBÍ mótmælir boðaðri skerðingu á kjörum lífeyrisþega.

Með boðaðri skerðingu á kjörum lífeyrisþega er ríkisstjórn Íslands að ganga gegn lögum þeim sem sérstaklega voru sett lífeyrisþegum til verndar við þær aðstæður sem nú hafa skapast í þjóðfélaginu.

Í stað þess að virða þessi lög og forgangsraða í anda velferðarþjóðfélags er nú fyrirhugað að bæta ekki verðbætur að fullu. Þetta á við um meira en 30 þúsund lífeyrisþega. Til þess að bæta verðtryggingu að fullu þarf að bæta við 2,5 milljörðum eftir skatta (nettó).

Öryrkjabjandalag Íslands mótmælir þessari aðför harðlega og skorar á ríkisstjórnina að hverfa að fullu og öllu frá henni.

Framkvæmdastjórn ÖBÍ