Skip to main content
Frétt

Vilt þú gerast persónulegur talsmaður fatlaðs einstaklings?

By 7. janúar 2014No Comments
Upplýsingar veitir réttindagæslumaður fatlaðs fólks á þínu svæði fyrir 24. janúar nk.

Einstaklingur, sem vegna fötlunar á erfitt með að gæta hagsmuna sinna, á rétt á að velja persónulegan talsmann sér til aðstoðar skv. 7. grein laga um réttindagæslu fyrir fatlað fólk frá 2011. Meðal skilyrða sem þarf að uppfylla til þess að gerast persónulegur talsmaður er að sækja fræðslu um innihald og áherslur í starfinu. Um launalaust starf er að ræða en tilfallandi kostnaður er greiddur.

Námskeið fyrir áhugasama

Þeir sem hafa áhuga á að gerast persónulegir talsmenn eru beðnir um að hafa samband við réttindagæslumann fatlaðs fólks á sínu svæði fyrir 24. janúar nk. og munu í framhaldinu fá upplýsingar um námskeið vegna fyrrgreindrar fræðslu.

Upplýsingar um réttindagæslumenn sem veita frekari upplýsingar um hlutverk persónulegs talsmanns sé þess óskað.

Lög um réttindagæslu fyrir fatlað fólk sem og reglugerð um persónulega talsmenn