Upplýsingafundur NPA miðstöðvarinnar í samstarfi við Almannavarnir og Embætti landlæknis verður haldinn þriðjudaginn 27. október kl. 15:00. Yfirskrift fundarins er: Sóttvarnarráðstafanir vegna COVID-19 fyrir fatlað fólk með NPA eða beingreiðslusamninga og aðstoðarfólk þeirra.

Ríkisendurskoðun hefur nú skilað Alþingi stjórnsýsluendurskoðun á TR, sem Alþingi fór fram á á síðasta ári. Ríkisendurskoðun kemst meðal annars að þeirri niðurstöðu að þrátt fyrir áherslu á gæðaumbótastarf, eru dæmi um brotalamir á framkvæmd TR á almannatryggingalögum, þannig að dæmi eru um að viðskiptavinir TR hafi orðið af réttindum sínum, um lengri eða skemmri tíma.

"Allar skerðingar á mannréttindum eru áhyggjuefni. Þær þurfa að vera í samræmi við lög, nauðsynlegar í lýðræðissamfélagi, stefna að lögmætu markmiði og afar mikilvægt er að gæta meðalhófs, það er beita aldrei harðari ráðstöfunum en nauðsyn ber til og ekki lengur en þörf er á." Þetta kemur fram í ályktun sem stjórn og fulltrúaráð Mannréttindaskrifstofu Íslands hefur sent frá sér.

Eins og fram hefur komið ákvað stjórn námssjóðs Sigríðar Jónsdóttur, að úthluta á ný að hausti þetta árið. Ljóst er að í því ástandi sem nú ríkir í þjóðfélaginu er mikilvægt að hafa eitthvað fyrir stafni, og því ekki að bæta við sig menntun.

Logi Einarsson, formaður Samfylkingarinnar, kynnti í morgun á blaðamannafundi, tillögur flokksins til viðspyrnu í því efnahagsástandi sem nú ríkir. Tillögurnar voru kynntar undir Ábyrga leiðin.

Fötlunarfræði er þverfagleg fræðigrein sem leggur áherslu á að þróa félagslegan skilning á fötlun og rannsaka þátt menningar og umhverfis í að skapa og viðhalda fötlun. Markmið námsins er að veita nemendum fræðilega og hagnýta þekkingu á fjölbreytilegum þáttum sem varða fatlað fólk og málefni þess.

Bergþór H Þórðarson, sem verið hefur formaður málefnahóps um kjaramál, var um helgina kjörinn varaformaður ÖBÍ á aðalfundi bandalagsins. Hann tekur við af Halldóri Sævari Guðbergssyni, sem lætur af embætti eftir margra ára störf innan ÖBÍ. Þá var Jón Heiðar Jónsson kjörinn gjaldkeri bandalagsins til næstu tveggja ára. Bergur Þorri Benjamínsson lét af því embætti eftir fjölda ára í stjórn. Þuríður Harpa Sigurðardóttir þakkaði þeim Halldóri og Bergi sérstaklega fyrir þeirra óeigingjörnu störf í gegnum árin og færði blómvönd.

"Aðalfundur Öryrkjabandalagsins krefst þess að ríkisstjórnin endurskoði afstöðu sína gagnvart lífskjörum fatlaðs og langveiks fólks og bæti kjör okkar án tafar. Skömm ríkisstjórnarinnar er að halda okkur í fátækt og skýla sér á bakvið Covid og slæmt efnahagsástand."

Bjarni Benediktsson, fjármálaráðherra, hefur nú kynnt síðasta fjárlagafrumvarp ríkisstjórnar Katrínar Jakobsdóttur. Hafi einhver átt von á að í því frumvarpi leyndust efndir yfirlýsinga Katrínar sem stjórnarandstæðings, frá því fyrir um 4 árum, verður viðkomandi fyrir vonbrigðum. Hækkun örorkulífeyris verður 3,6% um næstu áramót. Fátækt fólk þarf því enn að bíða.

Í dag, 30. september, tók Þuríður Harpa Sigurðardóttir, formaður ÖBÍ þátt í kynningu á viðbótarskýrslu 9 frjálsra félagasamtaka um stöðu réttinda barna á Íslandi til Barnaréttarnefndar Sameinuðu þjóðanna. Þau frjálsu félagasamtök sem komu að gerð skýrslunnar eru auk Öryrkjabandalagsins, eru Unicef, Rauði Kross Íslands, Mannréttindaskrifstofa Íslands, Þroskahjálp, Barnaheill, Samfés, UMFÍ og Heimili og skóli.