Aðgengi að upplýsingum

Myndin er af fjórum ungmennum sem sitja við borð.
Við erum ólík og sum okkar hafa ekki sama aðgengi að upplýsingum og flestir. Myndin er frá Ungmennaþingi ÖBÍ sem haldið var nýlega. Mynd: Silja/Rut ljósmyndir

All­ir eiga sama rétt á upp­lýs­ing­um en fólk hef­ur mis­mun­andi for­send­ur til að meðtaka þær. Marg­ir búa við ein­hvers kon­ar skerðingu sem fela í sér að laga þarf upp­lýs­ing­ar og sam­skipta­máta að þeirra þörf­um. Stjórn­völd­um ber að tryggja það að fólk fái viðeig­andi aðstoð og þjón­ustu sem ger­ir því kleift að taka til sín og meðtaka upp­lýs­ing­ar.

Á mbl.is hafa undanfarið birst ítarlegar og vel unnar greinar um aðgengismálin. Hér á eftir fara útdrættir úr þeim ásamt tenglum á umfjöllun mbl.

Textun nýtist tugþúsundum

Textun inn­lends efn­is heyr­ir nán­ast til und­an­tekn­inga í ís­lensku sjón­varpi þrátt fyr­ir að hún myndi nýt­ast tugþúsund­um lands­manna. Hjört­ur Heiðar Jóns­son, formaður Heyrn­ar­hjálp­ar, seg­ir að það sé ótrú­lega oft sem fatlaðir gangi á vegg þegar kem­ur að hlut­um sem væri sára­ein­falt að laga.

Tækifæri sem læknar hafa ekki

„Google er þekkt­asti blindi ein­stak­ling­ur­inn í heim­in­um og hún lend­ir í sömu vand­ræðum og við hin sem erum blind eða sjónskert. Ef sta­f­rænt aðgengi er í lagi þá þarf eng­inn að vera blind­ur eða sjónskert­ur. Hér er tæki­færi sem lækn­ar hafa ekki,“ seg­ir Rósa María Hjörv­ar, aðgeng­is­full­trúi Blindra­fé­lags­ins.

Hún og Bald­ur Snær Sig­urðsson, tækni­ráðgjafi hjá Blindra­fé­lag­inu, segja þetta snú­ast um að fólk eigi jafn­an rétt að upp­lýs­ing­um. Ef það er skipt­ir sjónskerðing minna máli. Meðal ann­ars á vinnu­markaði. 

Stundum þarf frekari inngrip

Sjón­ar­hóll er ráðgjaf­armiðstöð fyr­ir for­eldra og aðstand­end­ur barna með sérþarf­ir. Á hverju ári leit­ar þangað fjöldi for­eldra þar sem börn þeirra eru ekki að fá þann stuðning í kerf­inu sem þau eiga rétt á lög­um sam­kvæmt. Stund­um næg­ir að benda skól­um og sveit­ar­fé­lög­um á að brotið sé á rétti barna en stund­um þarf frek­ari inn­grip.