Fundargerð 1. fundar stjórnar ÖBÍ miðvikudaginn 10. október 2018

Fundargerð 1. fundar stjórnar ÖBÍ miðvikudaginn 10. október 2018, kl. 16:00 - 17:30 haldinn í Ólafsstofu, Sigtúni 42, Reykjavík.

1.   Setning fundar.

Formaður setti fund kl. 16:00.

2.   Ályktun stjórnar um starfsgetumat.

Farið var yfir upprunalega ályktun málefnahóps ÖBÍ um atvinnu- og menntamál. Samþykkt var að senda hana málefnahópnum til yfirferðar að nýju.

Umræða var um að tillögum sem fyrirliggja um starfsgetumat verði hafnað og að ÖBÍ fari fram á að vera hluti af þeim hóp sem vinnur að gerð starfsgetumats. Vinnumarkaður þarf að aðlaga sig öryrkjum en ekki öfugt.

 

Eftirfarandi ályktun stjórnar um starfsgetumat var samþykkt:

Stjórn Öryrkjabandalags Íslands (ÖBÍ) skorar á stjórnvöld að:

Efla núverandi kerfi örorkumats í stað tilraunakennds starfsgetumats.

3.   Önnur mál.

a) Flokkur fólksins.

Flokkur fólksins mun mæla fyrir afnámi krónu á móti krónu skerðingarinnar á Alþingi, 11. október, kl. 11. Stjórn var hvött til að fylkja liði á þingpalla.

 

Fundi var slitið kl. 17:19.

 

Fundarritari,

Þórný Björk Jakobsdóttir.