Er leiðin greið? - Málþing um algilda hönnun í almenningsrými – í borgum, bæjum og á ferðamannastöðum

10mar
Dagsetning: 10. mars kl. 09:00-12:30 Staðsetning: Grand Hótel Reykjavík

Er leiðin greið?

Málþing um algilda hönnun í almenningsrými – í borgum, bæjum og á ferðamannastöðum

Aðgengishópur Öryrkjabandalags Íslands, Blindrafélagið, Verkís hf., Átak- félag fólks með þroskahömlun og Reykjavíkurborg bjóða til málþings um algilda hönnun utandyra, í þéttbýli og á ferðamannastöðum. Málþingið er haldið í samvinnu við Umhverfisráðuneytið, Ferðamálastofu, Mannvirkjastofnun og Vegagerðina.

Tími: föstudagurinn 10. mars, kl. 9:00-13:00

Staður: Grand hótel, Sigtúni 38, 105 Reykjavík

Skráning: www.obi.is

Málþingið er ókeypis og öllum opið. Boðið verður upp á veitingar í hádeginu. 

Rit- og táknmálstúlkun er í boði – óska þarf eftir túlkun við skráningu á málþingið.

Málþingið er haldið í tengslum við alþjóðlegan dag aðgengis sem er 11. mars. Fjallað verður um aðgengismál innan byggðar og á ferðamannastöðum.

Kynnt verður ný rannsóknarskýrsla sem unnin var af verkfræðistofunni Verkís, en tilgangur verkefnisins var að gera ítarlega úttekt á hönnunarreglum og stöðlum sem lúta að algildri hönnun í útiumhverfi í Svíþjóð, Danmörku og Noregi og bera saman við íslenskar reglur og staðla.

Brugðið verður ljósi á aðgengisþarfir fatlaðs fólks í almenningsrými innan byggðar og af hverju algild hönnun er mikilvæg við skipulagningu gatna og torga. Kynntur verður leiðbeiningarbæklingur sem aðgengishópur ÖBÍ gefur út á málþinginu.

Gerð verður grein fyrir stöðu aðgengismála á ferðamannastöðum á Íslandi. Sagt verður frá niðurstöðum úr ferð aðgengishóps Átaks – félags fólks með þroskahömlun, sem birtar voru í nýlegri skýrslu.

Veitt verður aðgengisviðurkenning Reykjavíkurborgar í fyrsta sinn.

Fulltrúar frá Ferðamálastofu, Mannvirkjastofnun og Vegagerðinni halda erindi á málþinginu og Björt Ólafsdóttir umhverfis- og auðlindaráðherra flytur ávarp.

 

Dagskrá málþings

9:00  Málþing sett - Ellen Calmon, formaður ÖBÍ.

9:10  Ávarp - Björt Ólafsdóttir, umhverfis- og auðlindaráðherra.

9:20  Hönnun í útiumhverfi, úttekt og samanburður á norrænum hönnunarreglum - Áslaug Katrín Aðalsteinsdóttir, landslagsarkitekt FÍLA og Berglind Hallgrímsdóttir, umferðarverkfræðingur hjá Verkís.

10:00 Er leiðin greið? - Erna Hreinsdóttir, verkefnastjóri hjá Vegagerðinni.

10:15 Aðgengi fyrir alla utandyra - Grétar Pétur Geirsson, formaður málefnahóps ÖBÍ um aðgengi.

10:40 Byggingarreglugerðir og algild hönnun - Aldís Magnea Norðfjörð, arkitekt hjá Mannvirkjastofnun.

10:55 Kaffihlé.

11:20 Upplifun fatlaðs fólks af ferðamannastöðum á Íslandi - Aileen S. Svensdóttir, formaður Átaks, félags fólks með þroskahömlun og Anna Kristín Jensdóttir.

11:50 Aðgengi að ferðamannastöðum, aðkoma Ferðamálastofu - Elías Bj. Gíslason, Ferðamálastofu.

12:05 Dagur B. Eggertsson borgarstjóri veitir aðgengisviðurkenningu Reykjavíkurborgar 2017.

12:35 Lokaávarp – Sigþór U. Hallfreðsson, formaður Blindrafélagsins.

Að málþingi loknu verður boðið upp á veitingar