Árleg útskrift Hringsjár

Vefrit ÖBÍ 2. árg. 4. tbl. | 30.05.2013
Útskriftarnemar Hringsjár
Útskriftarnemar Hringsjár

Hringsjá veitir náms- og starfsendurhæfingu fyrir einstaklinga 18 ára og eldri sem vegna sjúkdóma, slysa, fötlunar eða áfalla þurfa á endurhæfingu að halda til að takast á við nám og/eða stunda atvinnu á almennum vinnumarkaði. Námið hentar einnig þeim sem hafa litla grunnmenntun eða sértæka námserfiðleika.  

ÚtskriftarnemiÍ hverju felst náms- og starfsendurhæfingin?

Endurhæfingin felst í einstaklingsmiðuðu námi í formi styttri námskeiða eða fullu einingarbæru námi með sérhæfðri ráðgjöf og stuðningi. Námið miðast við að:

  • - Leggja eða endurnýja almennan þekkingargrunn einstaklinga
  • - Undirbúa einstaklinga fyrir almenn skrifstofu- og þjónustustörf
  • - Efla persónulega færni einstaklinga
  • - Efla félagslega færni einstaklinga
  • - Auka samfélagslega þátttöku einstaklinga
  • - Auka lífsgæði einstaklinga og fjölskyldna þeirra

Markmið námsins

Markmiðið er að þeir sem útskrifast frá Hringsjá séu færir um að takast á við nám í almennum framhaldsskólum og finna störf við hæfi á almennum vinnumarkaði.

Námsmarkmið felast annars vegar í að almennur þekkingargrunnur er lagður eða endurnýjaður og hins vegar í nokkurri sérhæfingu sem tekur þá mið af skrifstofu- og þjónustustörfum m.a. tölvufærni og bókhaldsþekkingu.

Um leið og unnið er að þessu markmiði fer fram mat á stöðu einstaklingsins og hann lærir að þekkja sjálfan sig betur, óskir sínar, hæfileika, getu og takmarkanir. Raunhæfara sjálfsmat, aukið sjálfstraust og þor eru þannig einnig höfð að markmiði.

Útskriftarnemar Hringsjár

Útskriftarhátíð Hringsjár 2013

Árlega útskrifast hópur góðs fólks úr náminu eftir þriggja anna nám og endurhæfingu við Hringsjá og þann 15. maí síðastliðinn útskrifuðust 16 nemendur. Flestir þeirra hafa þegar skipulagt áframhaldandi nám eða atvinnuþátttöku. Hér má sjá nokkrar myndir frá athöfninni. 

Guðmundur Magnússon formaður ÖBÍ og útskriftarnemar og aðstandendur í bakgrunni




Guðmundur Magnússon formaður ÖBÍ flutti hátíðarávarpið að þessu sinni og Magnús R. Einarsson mætti með gítarinn og söng nokkur lög við góðar undirtektir. 

ÖBÍ óskar útskriftarhópnum innilega til hamingju sem og öllum nemendum Hringsjár.


Helga, forstöðumaður Hringsjár

Upplýsingar um Hringsjá

Hringsjá náms– og starfsendurhæfing, Hátúni 10d, 105 Reykjavík
Sími: 510 9380 

Vefsíða: www.hringsja.is

Tölvupóstur: helga@hringsja.is

Opnunartími Hringsjár er mánudaga-fimmtudags frá kl. 8:30-12:00 og 12:30-15:30, föstudögum frá kl. 8:30-12:00.


Kennarar og starfsmenn Hringsjár

Tekið á móti útskriftarskírteinum
Lítil stúlka á athöfninniÚtskriftarnemar Hringsjár 2013
Til baka

Vefrit Öryrkjabandalags Íslands | Vefrit ÖBÍ 2. árg. 4. tbl.

Aðrar greinar í tölublaðinu

  • Lilja Þorgeirsdóttir framkvæmdastjóri ÖBÍ

    Verkefni nýrrar ríkisstjórnar

    -Um kjaramál öryrkja og ellilífeyrisþega
    Grein eftir Lilju Þorgeirsdóttur, framkvæmdastjóra ÖBÍ
    Í kosningabaráttunni voru kjör öryrkja og eldri borgara talsvert í umræðunni og loforð gefin um að bæta kjör þeirra þar sem þeir hafi þurft að þola hlutfallslega meiri kjaraskerðingar en aðrir hópar í samfélaginu frá efnahagshruni. Nú er komin ný ríkisstjórn og er hún boðin velkomin til starfa. Forsætisráðherra hefur lýst því yfir að standa skuli við gefin loforð um að leiðrétta þær skerðingar sem öryrkjar og ellilífeyrisþegar urðu fyrir í tíð fyrri ríkisstjórnar.
    Lesa meira
  • Mynd af facebókarlækinu og tölunni 1490 fyrir aftan sem eru lækin sem Facebókarsíða ÖBÍ er komin með

    Facebook-síða ÖBÍ

    ÖBÍ opnaði Facebook-síðu fyrir skemmstu. Á síðunni er bent á greinar frá bandalaginu og aðildarfélögum sem birtast í fjölmiðlum sem og aðrar áhugaverðar greinar og efni af frétta- og samfélagsmiðlum sem tengjast málaflokknum. Viðburðir á vegum ÖBÍ og aðildarfélaganna eru auglýstir sem og aðrir viðburðir. Ýmislegt skemmtiefni, myndir og myndbönd er einnig sett inn á síðuna sem vakið hefur mikla lukku. ÖBÍ hvetur fólk til þess að "læka" síðuna og fylgjast með tíðum fréttum, viðburðum og skemmtiefni sem birtist á síðunni.

    Lesa meira
  • Stelpur í boltalandi

    Sumarnámskeið

    Í Reykjavík og nærliggjandi sveitarfélögum eru ýmis sumarnámskeið í boði fyrir börn, unglinga og fullorðna, fatlað fólk og ófatlaða. Ýmist eru það bæjarfélögin sjálf sem bjóða upp á námskeið, íþróttafélög og tómstunda­klúbbar, fyrirtæki og stofnanir. Í þessari grein er samantekt á námskeiðum fyrir sumarið og fallegar myndir frá sumarstarfi Styrktarfélags lamaðra og fatlaðra prýða greinina. Samantektina unnu Helga Olsen og Sigrún Gunnarsdóttir.

    Lesa meira
  • Anddyri Þekkingarmiðstöðvarinnar

    Þekkingarmiðstöð Sjálfsbjargar - Hjálpartækjasýning

    Þekkingarmiðstöðin verður eins árs þann 8. júní og mun halda hjálpartækjasýningu dagana 7. - 8. júní í tilefni afmælisins. Á sýningunni verður hægt að sjá það nýjasta á sviði hjálpartækja, allt frá hagnýtum heimilishjálpartækjum til sérútbúnaðar í bifreiðum. Fólki gefst kostur á að kynna sér og prófa hjálpartækin og getur jafnvel fundið lausnir sem henta vel í hinu daglega lífi. Innflutningsaðilar hjálpartækja og ráðgjafar Sjúkratrygginga Íslands verða á staðnum og því verður hægt að fá greinagóðar upplýsingar hjá þeim.
    Lesa meira
  • Herdís Egilsdóttir og Rympa halda saman á ístertu með mynd af Rympu á

    Halaleikhúsið á barnaspítala Hringsins

    Halaleikhópurinn heimsótti Barnaspítala Hringsins á dögunum með atriði úr verkinu Rympa á ruslahaugnum eftir Herdísi Egilsdóttur. Börnin skemmtu sér vel og voru ánægð með heimsóknina, gjafirnar og flottu ístertuna af Rympu sem þau gæddu sér á að sýningu lokinni. Hér er hægt að skoða skemmtilegar myndir frá viðburðinum.

    Lesa meira
Skoða eldri tölublöð