Við veikindi eða slys eiga flestir einhvern rétt í sjúkrasjóði síns stéttarfélags eða hjá Sjúkratryggingum Íslands í formi slysabóta eða sjúklingatryggingar.

Aðstoð læknis þarf til að sækja um örorkumat. Því næst þarf að kanna hjá TR og lífeyrissjóði/-um með örorkustyrk, endurhæfingar-/örorkulífeyri, makalífeyri, barnalífeyri og aðra greiðsluþátttöku.

Til að bæta lífsgæði sín eða ná bata þurfa margir á ýmisskonar þjálfun að halda svo sem náms- og starfsendurhæfingu, sjúkra-, tal- eða iðjuþjálfun.

Þegar langtíma veikindi herja á barn eða maka er í sumum tilfella hægt að sækja um umönnunabætur vegna vinnu aðstandenda við að hjúkra þeim veika í heimahúsi.