Skynvænn strætó verður í boði í gleðigöngunni í ár þar sem lögð verður áhersla á að minnka áreiti af hljóði og ljósum. Hægt er að skrá sig í vagninn og þannig taka þátt í göngunni með sem minnstu skynáreiti.
Gleðigangan verður gengin laugardaginn 9. ágúst og er hluti af Hinsegin dögum. Skynvæni strætóinn er afurð samstarfsverkefnis ÖBÍ réttindasamtaka og hinsegin daga.
Í boði verður að koma upp í vagninn annars vegar á Hesthálsi 14 og hins vegar við Hallgrímskirkju, þaðan sem gangan hefst. Skráning fer fram á hlekknum hér að neðan.
