Morgunbollinn fræðsla: Hreyfing þegar þú hefur lítinn tíma.

Heitt á könnunni og léttar veitingar frá 9:30 fræðslan hefst kl. 10:00.

Hreyfing þegar þú hefur lítinn tíma – fræðsluviðburður

Byrjum nýtt ár með krafti! Hvernig er hægt að koma hreyfingu inn í daglegt líf þegar tíminn er naumur? Á þessum fræðsluviðburði verður fjallað um einfaldar, raunhæfar og árangursríkar leiðir til að auka hreyfingu án þess að það krefjist mikils tíma, búnaðar eða undirbúnings.

Viðburðurinn leggur áherslu á mikilvægi reglulegrar hreyfingar fyrir heilsu, líðan og hamingju og sýnir hvernig smáar breytingar í daglegu lífi geta skilað miklum ávinningi. Farið verður yfir fjölbreyttar hugmyndir að hreyfingu sem auðvelt er að flétta inn í vinnudag og heimilislíf, svo sem stuttar styrktaræfingar, virkar pásur, daglega hreyfingu og einfaldar leiðir til að vera meira á ferðinni án þess að fórna tíma.

Jafnframt verður Lífshlaupið kynnt, farið yfir hvernig það virkar og hvernig þátttaka getur orðið hvetjandi og skemmtileg leið til að auka hreyfingu, bæði einstaklingslega og í hópi.

Leiðbeinendur:

Linda Laufdal – verkefnastjóri Lífshlaupsins og sérfræðingur á Fræðslu- og almenningsíþróttasviði ÍSÍ.

Hansína Þóra Gunnarsdóttir – starfsmaður Fræðslu- og almenningsíþróttasviðs ÍSÍ, með víðamikla reynslu af kennslu og þjálfun ýmissa íþróttagreina og hópa í um 30 ár.