Wikimedia Commons
ÖBÍ réttindasamtök standa nú fyrir mikilvægri könnun á stöðu fatlaðs fólks á húsnæðismarkaði. Félagsvísindastofnun Háskóla Íslands sér um framkvæmdina en markmiðið er að efla hagsmunagæslu fatlaðs fólks.
Viðskiptavinir Tryggingastofnunnar (TR) sem skráðir eru með örorkulífeyri og sjúkra- eða endurhæfingargreiðslur munu fá bréf sent í tölvupósti með boði um þátttöku.
ÖBÍ vilja hvetja öll þau sem fá sent boð um þátttöku til þess að samþykkja það. Þeim mun fleiri sem taka þátt í könnuninni, því betur munu gögnin nýtast í hagsmunabaráttunni.
Sams konar rannsókn var gerð árið 2022. Nú stendur til að kanna hvort breytingar hafi orðið yfir þann tíma í húsnæðismálum fatlaðs fólks. Ef þú vilt taka þátt sendir Félagsvísindastofnun þér spurningalista til að svara. Starfsfólk Félagsvísindastofnunar fær ekki upplýsingar um hver svarar spurningunum og passar að aðrir viti það ekki heldur.
