Hinsegin ♥

Hinsegin dagar 2025 í myndum

By 28. ágúst 2025mars 13th, 2026No Comments
Hópur fólks úr ÖBÍ réttindasamtökum tekur þátt í Gleðigöngunni fyrir framan Hallgrímskirkju. Þau bera skilti með textanum „Skert aðgengi fyrir öll sem falla ekki undir staðlaða liti regnbogans!“ Formaður ÖBÍ, Alma Ýr Ingólfsdóttir fremst í broddi fylkningar ásamt syni sínum.

Formaður ÖBÍ, Alma Ýr Ingólfsdóttir í Gleðigöngunni.

ÖBÍ réttindasamtök og Hinsegin dagar undirrituðu sumarið 2025 samstarfssamning með því markmiði að auka sýnileika hinsegin fatlaðs fólks og aðgengi þess að hinsegin samfélaginu.

Regnbogaráðstefnan var haldin í Iðnó 7. ágúst af Hinsegin dögum í samstarfi við ÖBÍ réttindasamtök. Ráðstefnan var vel sótt og samanstóð af fjölda erinda og pallborða. Veruleiki hinsegin fatlaðs fólks var á meðal þess sem var til umræðu.

Fjöldi fólks innan ÖBÍ réttindasamtaka tók þátt í Gleðigöngunni 9. ágúst undir yfirskriftinni – Aðgengi fyrir öll undir regnboganum!

Ruth Ásgeirsdóttir ljósmyndari fangaði stemminguna og tók fjölda mynda fyrir ÖBÍ. Hér má sjá nokkrar af þeim.

Strætisvagn skreyttur litríkum mynstrum í regnbogalitum með stórum hvítum stöfum á hliðinni sem mynda orðin „Öll velkomin“. Undir stendur „Chromo Sapiens by Shoplifter“. Himinninn er heiðblár og sólin skín.

Maður í hjólastól brosir til myndavélarinnar á Gleðigöngu. Hann er í svörtum leðurjakka og í kringum hann er fjölmenni með regnbogafána og skiltum. Bakvið hann sést skilti í regnbogalitum frá ÖBÍ með textanum: „Skert aðgengi fyrir öll sem falla ekki undir staðlaða liti í regnboganum!“ Sólin skín og stemning.

Tveir menn standa hlið við hlið og brosa breitt í sólskini á Gleðigöngu. Annar er í litríkum regnbogabúningi og samsvarandi húfu, hinn í ljósblárri peysu með sólgleraugu. Þeir halda á regnbogafána og faðmast yfir grindverki. Í bakgrunni sést Hallgrímskirkja.

Dragdrottning í glæsilegum rauðum kjól með stórum vængjum og skreyttu kórónu dansar í Gleðigöngunni fyrir framan Hallgrímskirkju. Í bakgrunni fylgist hópur áhorfenda með, sumir halda á litríkum blöðrum og regnbogafánum.