Veitum börnum nauðsynlega þjónustu

Börn verða að fá nauðsynlega þjónustu og þann stuðning sem þau þurfa. Of löng bið er eftir greiningum sem eru forsenda fyrir þjónustu.

Gerum geðheilsu barna og ungmenna að forgangsmáli

Stórefla þarf alla sálfræðiþjónustu fyrir börn og ungmenni, jafnt hjá heilsugæslunni sem og í skólum og öðrum aðilum. Aðgengi að sálfræðiþjónustu getur verið mikil forvörn.

Jöfn tækifæri

Öll börn, óháð fötlun, eiga að hafa jöfn tækifæri til menntunar, tómstunda- og íþróttaiðkunar auk þess að hafa gott aðgengi að heilbrigðisþjónustu.

Samþætting þjónustu við börn er að mörgu leyti enn ábótavant, ekki síst þegar hún liggur þvert á kerfi. Helstu baráttumál snúa að réttindum barna í heilbrigðis- og menntakerfinu en þar skortir verulega á fullnægjandi þjónustu við börn með fatlanir.