Það er að ýmsu að hyggja þegar fötluð ungmenni verða 18 ára og ná lögræðsisaldri (sjálfræði). Mörg velta fyrir sér áframhaldandi námi, búsetuúrræðum og vinnu. Ýmsar breytingar eiga sér stað á réttarstöðu fólks við 18 ára aldur og mikilvægt er að hafa allar upplýsingar skýrar og aðgengilegar.

Margar spurningar vakna er varðar fjármál, aðgengi að þjónustu á vegum sveitarfélaga og hvað þarf að hafa í huga er tengist endurhæfingarlífeyri, endurhæfingaráætlun og örorkulífeyri.

Því efna Landssamtökin Þroskahjálp og Einhverfusamtökin til fræðslufundar miðvikudagskvöldið, 12. apríl 2023 kl. 20:00 til  22:00. Fundurinn er haldinn að Háaleitisbraut 13, 4. hæð.

Dagskrá

• Arna Guðný Valgarðsdóttir og Fríða Rún Gylfadóttir, þroskaþjálfanemar í HÍ eru að vinna BA-lokaverkefni er tengist þessum tímamótum og langar þær að kynna fyrir fötluðum ungmennum, foreldrum og aðstandendum verkefnið sitt og einnig langar þær að fá upplýsingar hvað ungmennum og foreldrum þykir vanta og eiga samtalið.
• Fulltrúar frá Tryggingastofnun ríkisins munu vera með kynningu á ferlinu er tengist endurhæfingarlífeyri – endurhæfingaráætlun – örorkulífeyri.
• Fulltrúi frá Sambandi íslenskra sveitarfélaga mun einnig fara yfir hvað getur breyst í samskiptum og þjónustu sveitarfélaga þegar ungmenni verða 18 ára.
• Í lokin verða almennar umræður og fyrirspurnir úr sal.

Fræðslufundurinn er sérstaklega ætlaður fötluðum ungmennum og foreldrum/forráðamönnum þeirra, en öll eru hjartanlega velkomin.