Skýrsla Stefáns Ólafssonar, prófessors hjá Félagsvísindastofnun Háskóla Íslands, Örorka og velferð á Íslandi og í öðrum vestrænum löndum er komin út.

Í inngangi segir að markmið rannsóknarinnar sé að gera grein fyrir umfangi, einkennum og þróun örorku á Íslandi, með samanburði við örorkumál grannríkjanna á Vesturlöndum. Einnig er fjallað um kjör íslenskra öryrkja, þjónustu velferðarkerfisins, þjóðfélagsaðstæður og stefnu og aðgerðir stjórnvalda í málum fatlaðra og öryrkja. Tilgangur verksins er sá að skýra stöðu þessara mála og framvindu á síðustu árum, draga lærdóm af reynslu grannríkjanna og búa í haginn fyrir framtíðarstarf á þessu sviði velferðarmála.

Rannsóknin er unnin við Rannsóknarstöð þjóðmála, sem er hluti af Félagsvísindastofnun Háskóla Íslands. Öryrkjabandalag Íslands er styrktaraðili að rannsókninni.

Tengill á skýrslu Stefáns - Örorka og velferð á Íslandi.

Um miðjan októbermánuð var kynnt nýtt logo Öryrkjabandalags Íslands. Höfundur þess er Bjarki Lúðvíksson hjá auglýsingastofunni Hvíta húsinu.

Merkið er tákn fjölbreytileika og innra styrks Öryrkjabandalagsins.