Samband íslenskra sveitarfélaga, velferðarráðuneyti og málefnahópur Öryrkjabandalags Íslands um aðgengi standa fyrir málþinginu „Hvert er förinni heitið?“ um akstursþjónustu fyrir fatlað fólk. Þingið verður haldið á Grand hóteli í Reykjavík, mánudaginn 27. ágúst 2018 kl. 13:00 – 16:00.
Fjallað verður um hvaða skyldum sveitarfélög gegna í akstursþjónustu fyrir fatlað fólk, með tilliti til ákvæða Samnings Sameinuðu þjóðanna um réttindi fatlaðs fólks, og hvernig fatlað fólk vill sjá þjónustuna. Þá verður fjallað um þær áskoranir sem sveitarfélög standa frammi fyrir, ekki síst í dreifðum byggðum, og hvernig þjónusta er veitt hérlendis og í nágrannaríkjum okkar.
Dagskrá:
13:00 Ávarp ráðherra
Ásmundur Einar Daðason félags- og jafnréttismálaráðherra setur málþingið
13:10 Frjáls för fatlaðs fólks – 20. gr. Samnings Sameinuðu þjóðanna um réttindi fatlaðs fólks
Alma Ýr Ingólfsdóttir lögfræðingur hjá Öryrkjabandalagi Íslands
13:30 Akstursþjónusta á Akureyri
Jón Hrói Finnsson sviðsstjóri búsetusvið Akureyrarbæjar
13:50 Sýn á fyrirmyndarþjónustu
Ingveldur Jónsdóttir formaður málefnahóps um aðgengi hjá Öryrkjabandalagi Íslands
14:05 Kaffihlé
14:20 Hvað er að gerast á Norðurlöndunum? Stuðningur við fatlað fólk og eldri borgara á sviði samgangna
Anna Karlsdóttir verkefnastjóri hjá Nordregio
14:50 Áskoranir og umhverfi sveitarfélaga
Tryggvi Þórhallson lögfræðingur á lögfræði- og velferðarsviði Sambands íslenskra sveitarfélaga
15:00 Aðgengi að strætisvögnum og biðstöðvum á höfuðborgarsvæðinu Haukur Hákon Loftsson
15:10 Hópavinna – umræðuhópar
Þátttakendur á málþinginu munu taka þátt í hópavinnu þar sem rædd verða ýmis málefni er varða aksturþjónustu fyrir fatlað fólk.
16:00 Samantekt og fundarlok
Fundarstjóri: Bergur Þorri Benjamínsson, formaður Sjálfsbjargar landssambands hreyfihamlaðra
