ÖBÍ réttindasamtök eru orðin aðili að Festu, miðstöð um sjálfbærni. Tilgangur Festu er, samkvæmt samþykktum miðstöðvarinnar, að auka þekkingu á ábyrgð skipulagsheilda til að stuðla að sjálfbærni í starfsemi sinni og hjálpa þeim við að tileinka sér starfshætti sem stuðla að sjálfbærni.
Starf Festu er þrískipt. Í fyrsta lagi miðlar Festa upplýsingum og fræðslu um sjálfbærni. Í öðru lagi skipuleggur Festa fundi, námskeið, ráðstefnur, aðra viðburði og samtöl um sjálfbærni þvert á geira, svið og sérgreinar. Í þriðja lagi stendur Festa fyrir samtali, samstarfi og viðræðum við yfirvöld og aðra aðila um að starfsumhverfi fyrirtækja og hverskyns skipulagsheilda sé hvetjandi fyrir ábyrgan rekstur.
Sjá nánar:
Með aðild að Festu fær ÖBÍ meðal annars:
• Aðild að samstarfsneti fyrirtækja, sveitafélaga og stofnana sem vinna að samfélagsábyrgð á Íslandi.
• Tengslafundi þar sem fyrirtæki deila þekkingu og ræða um bestu leiðir til að innleiða sjálfbærni í daglegri starfsemi.
• Vinnustofur og námskeið þar sem leiðbeint er við innleiðingu á alþjóðlega viðurkenndum aðferðum sjálfbærni.
• Umfjöllun um þau verkefni sem við vinnum að á sviði sjálfbærni á vefmiðlum á vegum Festu.
