Nauðsynlegt var að taka þessa ákvörðun til að tryggja starfshæfni stjórnar hússjóðsins.
Um áramótin síðustu var runnið út umboð tveggja aðalmanna og eins varamanns og skipaði Öryrkjabandalagið nýja stjórnarmenn í þeirra stað í samræmi við skipulagsskrá sjóðsins. Fráfarandi stjórnarformaður Brynju – hússjóðs ÖBÍ, hvers umboð var ekki runnið út, neitaði að una einróma kjöri nýrra stjórnarmeðlima og kom þannig í veg fyrir að stjórnin gæti sinnt lögbundnu hlutverki sínu.
Stjórn Brynju – hússjóðs ÖBÍ, skipa fimm stjórnarmenn, fjórir kjörnir af Öryrkjabandalaginu, og einn tilnefndur af félagsmálaráðherra.
Það er von stjórnar Öryrkjabandalagsins að með þessu muni skapast starfsfriður svo stjórn hússjóðsins geti einbeitt sér að því mikilvæga máli sem er uppbygging húsnæðis fyrir fatlað fólk.
