Vefrit

Hlusta

Hér fyrir neðan getur þú skoðað nýjasta vefritið okkar sem og eldri tölublöð með því að smella á „eldri tölublöð“ hér til hægri. Vefritið er stútfullt af gagnlegum greinum, viðtölum, myndum og myndböndum.

Vefrit ÖBÍ 1. tbl. 2019

11.02.2019

Í fyrsta tölublaði vefrits ÖBÍ 2019 er meðal annars fjallað um harða gagnrýni ÖBÍ á drög Reykjavíkurborgar að nýjum úthlutunarreglum um félagslegt húsnæði, búsetuskerðingar, TR og æðstu ráðamenn.

Forsætisráðherra hefur að tillögu ÖBÍ sett í gang vinnu við að móta stefnu um hlutastörf hjá hinu opinbera fyrir fólk með skerta starfsgetu og lögð hefur verið til stofnun embættis Umboðsmanns fatlaðs fólks. Aðgengisátak ÖBÍ er í undirbúningi og hefur verið auglýst eftir starfsfólki til að sinna verkefninu. Þetta og fleira í vefriti ÖBÍ.

Engin svör um pólitíska ákvörðun

Milljarða endurgreiðslur vegna ólögmætra búsetuskerðinga Tryggingastofnunar velta á pólitískri ákvörðun ríkisstjórnarinnar. Ásmundur Einar Daðason, félagsmálaráðherra, svaraði ekki ítrekuðum spurningum um málið frá tveimur þingmönnum á Alþingi.

Lesa meira
Stendur fjármálaráðherra í vegi fyrir leiðréttingu?

„Ríkið braut lög til að skerða enn frekar þær óheyrilega lágu upphæðir sem það greiðir þeim sem búa við örorku,“ sagði Halldóra Mogensen, formaður velferðarnefndar Alþingis í ræðustóli þingsins á dögunum og bætti við: „Fjármálaráðherra heldur utan um ríkisbudduna og hann hreinlega ætlar ekki að opna hana fyrir öryrkjum.“

Lesa meira
Spurt og svarað um búsetuskerðingarnar

Hér má finna grunnupplýsingar um búsetuskerðingarmálið ásamt spurningum og svörum við ýmsum álitaefnum og fyrirspurnum sem borist hafa Öryrkjabandalagi Íslands.

Lesa meira
Reykjavíkurborg útilokar fatlað fólk

Tekjuviðmið eru svo þröng í drögum að nýjum reglum Reykjavíkurborgar um félagslegt húsnæði, að borgin er í reynd að útiloka fatlað fólk, öryrkja og sjúklinga. Þetta gagnrýnir Öryrkjabandalag Íslands harðlega.

Lesa meira
Aðgengisátak ÖBÍ

Öryrkjabandalag Íslands auglýsir eftir tveimur starfsmönnum í tímabundin hlutastörf við átaksverkefni á sviði aðgengismála á höfuðborgarsvæðinu og á landsbyggðinni.

Lesa meira
„Vinna sem ég mun setja af stað núna“

Forsætisráðherra tekur undir með ÖBÍ og Þroskahjálp og setur í gang vinnu við að móta stefnu um hlutastörf hjá hinu opinbera fyrir fólk með skerta starfsgetu.

Lesa meira
Guðríður heiðruð

Guðríður Ólafs Ólafíudóttir, fyrrverandi formaður Sjálfsbjargar lsh. og félagsmálafulltrúi ÖBÍ, hlaut fálkaorðuna í upphafi árs, fyrir framlag sitt til velferðar- og mannúðarmála.

Lesa meira
Stóru línurnar

Áhersla formanns Öryrkjabandalags Íslands frá síðasta aðalfundi ÖBÍ hafa einkum falist í baráttu fyrir betri kjörum örorkulífeyrisþega. Þar ber hæst baráttu fyrir hækkuðum bótum almannatrygginga, afnámi krónu-á-móti-krónu skerðingarinnar og leiðréttingu svonefndra búsetuskerðinga.

Lesa meira
Umboðsmaður fatlaðs og langveiks fólks

ÖBÍ leggur til að sett verði á fót embætti Umboðsmanns fatlaðs og langveiks fólks. Formleg tillaga um þetta var lögð fram á fundi formanna ÖBÍ, Þroskahjálpar og forsætisráðherra.

Lesa meira