Alþjóðadagur MS – sumarhátíð, glens og gaman 31. maí

MS-félag Íslands blæs til sumarhátíðar á Sléttuvegi 5 þann 31. maí kl. 15-17 í tilefni af alþjóðadegi MS. Þetta er í 15. skiptið sem við höldum upp á alþjóðadaginn en hann er á vegum MSIF, alþjóðasamtaka MS-félaga.

Þema dagsins er tengsl og mikilvægi þeirra og er helsta markmiðið með alþjóðadeginum að vekja athygli á málefnum fólks með MS og miðla fræðslu.

Við ætlum að styrkja tengslin og hittast og gera okkur glaðan dag á sumarhátíðinni en þar verður skemmtun og veitingar fyrir alla fjölskylduna.

Þá verður vegglistaverk sem þrjár listakonur með MS gera á gafl hússins okkar á Sléttuveginum afhjúpað.

Glæsileg dagskrá fyrir alla fjölskylduna, hoppukastali, andlitsmálning, pylsur og Emmessís gefur öllum ís!

Kl. 15:00 Sumarhátíðin sett
Kl. 16:00 Einar Aron töframaður skemmtir
Kl. 16:30 Eyþór Ingi tekur nokkur lög