Fræðslufundur fyrir aðstandendur

Fræðslufundur marsmánaðar fjallar um aðstandendur og þá mun Brynhildur Jónsdóttir sálfræðingur í Seiglunni þjónustumiðstöð Alzheimersamtakanna flytja fyrirlestur sinn: Aðstandendur með heilabilunarsjúkdóma – helstu áskoranir á mismunandi stigum sjúkdómanna.

Aðeins um Brynhildi: hún starfaði eftir mastersnám á Minnismóttökunni á Landkoti við taugasálfræðilegar greiningar á fólki sem þangað leitaði vegna gruns um byrjandi heilabilun. Brynhildur starfaði einnig sem klínískur sálfræðingur á Áfalla- og sálfræðimiðstöðinni þar sem hún sinnti greiningum og meðferð á sálrænum vanda hjá fullorðnum.

Við tökum fram að fyrirlesturinn er einungis fyrir aðstandendur/fagfólk og aðra sem hafa áhuga á málefninu og ekki sjúklinginn sjálfan.

Fjölmennum í Hafnarfjörðinn og fræðumst saman. Fyrir þá sem komast ekki á staðinn þá verðum við í beinu streymi hér á heimasíðunni okkar og upptökur aðgengilegar eftir fundinn.