Styrkir ÖBÍ

Námsstyrkir til einstaklinga

Styrkir úr Námssjóði Sigríðar Jónsdóttur eru veittir öryrkjum til að sækja sér menntun. Sjóðurinn er mikilvægur þeim sem ekki geta sótt um styrk til stéttarfélags. Einnig er heimilt að styrkja þá sem vilja sérhæfa sig til starfa í þágu fólks með þroskahömlun. Sjá nánar: Námssjóður Sigríðar Jónsdóttur

Verkefnastyrkir

ÖBÍ úthlutar styrkjum til aðildarfélaga sinna og þess utan úthlutar bandalagið árlega sérstökum styrkjum til ýmissa hagnýtra verkefna sem tengjast hagsmunum fatlaðs fólks og öryrkja í samræmi við málefni, markmið og stefnu ÖBÍ. Sjá nánar: Sérstakir styrkir ÖBÍ

Styrkir til rannsókna

Árið 1991 stofnuðu ÖBÍ, SÍBS og Brynja - hússjóður ÖBÍ, sjóð til minningar um Odd Ólafsson frumkvöðli að bættum hag fatlaðs fólks. Sjóðnum er einkum ætlað að styrkja ýmiskonar rannsóknarverkefni. Auglýst er eftir umsóknum um styrk úr sjóðnum í dagblöðum í byrjun hvers árs. Úthlutað er árlega úr sjóðnum í maí. Sjá nánar: Sjóður Odds Ólafssonar                 

Þekkingarmiðstöð Sjálfsbjargar viðheldur listum yfir stofnanir, fyrirtæki, sjóði og félagsamtök sem styrkja öryrkja og fatlað fólk til náms ofl. Sjá nánar: Þekkingarmiðstöð Sjálfsbjargar - Styrkir
Aðildarfélög ÖBÍ eru mörg hver með styrktarsjóði til dæmis náms- og ferðasjóði. Styrkirnir eru í boði fyrir félaga en það er þó ekki algilt. Því er vert að kanna hvort og hvað kynni að nýtast þér. Sjá nánar: Yfirlit yfir aðildarfélög ÖBÍ 
Sveitarfélög veita einnig styrki til náms. Þann 21. febrúar 2019 uppfærði Félagsmálaráðuneytið reglugerðina: „Leiðbeinandi reglur fyrir sveitarfélög um styrki til náms og verkfæra- og tækjakaupa fatlaðs fólks ...“ Grundvöllur reglugerðarinnar er að við „setningu og framkvæmd reglna sinna skulu sveitarfélög taka mið af þeim alþjóðlegu skuldbindingum sem íslensk stjórnvöld hafa gengist undir, einkum samningi Sameinuðu þjóðanna um réttindi fatlaðs fólks.“  Þú getur hlustað á eða lesið reglugerðina hér eða hlaðið henni niður af vef stjórnarráðsins hér