Um ÖBÍ og fyrirtæki þess

Öryrkjabandalag Íslands (ÖBÍ)

Bandalagið var stofnað 1961 og er hagsmuna- og mannréttindasamtök fatlaðs fólks.
 
Upplýsingabæklingur um starfsemi ÖBÍ (pdf-skjal 207 Kb - gefinn út í október 2016) 

 

Formaður: Þuríður Harpa Sigurðardóttir, netfang thuridur(@)obi.is
Framkvæmdastjóri: Lilja Þorgeirsdóttir, netfang lilja(@)obi.is

  • Skrifstofa ÖBÍ Sigtúni 42, 105 Reykjavík
  • sími: 530-6700,  netfang obi(@)obi.is
  • Opnunartími skrifstofu er mánudaga - föstudaga frá kl. 9.30 til 15.00.

Ráðgjöf veita félagsráðgjafi og lögfræðingur. Panta þarf viðtal.

Markmið og hlutverk

Í lögum ÖBÍ segir meðal annars:

Markmið bandalagsins er að íslenskt þjóðfélag verði samfélag jöfnuðar og réttlætis þar sem allir einstaklingar, óháð líkamlegu og andlegu atgervi, njóti mannsæmandi lífskjara og jafnra möguleika til sjálfstæðs lífs og virkrar samfélagslegrar þátttöku.

Hlutverk bandalagsins er að koma fram fyrir hönd fatlaðs fólks gagnvart opinberum aðilum í hverskyns hagsmunamálum svo sem varðandi löggjöf, framkvæmd hennar og í dómsmálum er snerta rétt þess.

Samningur Sameinuðu þjóðanna um réttindi fatlaðs fólks (SRFF) er leiðarljós í vinnu bandalagsins.

Aðildarfélög

Aðildarfélög bandalagsins eru 41. Þau eru hagsmunasamtök, ólíkra fötlunarhópa, aðstandenda- og sjúklingafélaga með sérþekkingu á sínu sviði og veita margskonar fræðslu og stuðning.

Fyrirtæki ÖBÍ

Bandalagið stofnaði eða var einn stofnenda eftirtalinna fyrirtækja og meginhluti stjórnarmanna eru fulltrúar ÖBÍ og aðildarfélaga þess. Samningar hafa verið gerðir við ráðuneyti um aðkomu að rekstri þeirra.

  • BRYNJA - Hússjóður Öryrkjabandalags Íslands, sími: 570 7800, Hátúni 10c, 105 Reykjavík. Hlutverk sjóðsins er að eiga og reka íbúðir fyrir öryrkja.
  • Örtækni, tæknivinnustofa - ræsting, sími: 552 6800, Hátúni 10c, 105 Reykjavík. Örtækni veitir fötluðu fólki tímabundna starfsþjálfun og/eða vinnu til frambúðar.
  • Hringsjá, náms- og starfsendurhæfing, sími: 510 9380, Hátúni 10d, 105 Reykjavík. Hringsjá er fyrir 18 ára og eldri sem hafa verið frá vinnumarkaði eða námi eftir veikindi, slys, félagslega erfiðleika eða önnur áföll. Boðið er upp á námskeið og þriggja anna nám.
  • TMF Tölvumiðstöð, sími: 562 9494, Háaleitisbraut 13, 108 Reykjavík. TMF Tölvumiðstöð sinnir ráðgjöf og námskeiðahaldi til einstaklinga og faghópa um tölvuforrit og sérhannaðan hugbúnað. 
  • Fjölmennt, símenntunar- og þekkingarmiðstöð, sími: 530 1300, Vínlandsleið 14, 113 Reykjavík. Fjölmennt sinnir námskeiðahaldi fyrir fatlað fólk og veitir ráðgjöf um nám við aðrar menntastofnanir.