Kynning á SUM og umhverfisveikindum

Fyrir aðalfund, nánar tiltekið milli kl. 16.00 og 17.00 munu Harpa Fönn og Sylgja Sigurjónsdætur ásamt Teklu Hrund Karlsdóttur vera með kynningu á SUM og umhverfisveikindum og þeim skerðingum sem þeim fylgja, en SUM varð á síðasta ári eitt fjörutíu aðildarfélaga ÖBÍ. Kynningarfundurinn er opinn öllum og flott tækifæri til að kynna sér nýjasta aðildarfélag ÖBÍ.

Erindin verða 3 talsins:

1. Sylgja Dögg, lýðheilsufræðingur og sérfræðingur í hinu byggða umhverfi og áhrifum þess á innivist

2. Tekla Hrund Karlsdóttir, læknir, mun fjalla um umhverfisveikindi (EI, MCS) og veikindi vegna raka og myglu (mold disease)

3. Harpa Fönn Sigurjónsdóttir, forkona SUM, mun segja frá og kynna SUM (Samtök um áhrif umhverfis á heilsu), en aðilar í SUM eru nú 203 talsins, og samtökin voru stofnuð árið 2015