Rampur númer 500 vígður á Akureyri

Tugum nýrra hjólastólarampa hefur verið komið upp á Akureyri á síðustu vikum. Laugardaginn 20. maí klukkan 15:00 ætla aðstandendur Römpum upp Ísland að vígja ramp númer 500 og verður það gert við skemmtistaðinn Vamos á Ráðhústorgi Akureyrar.

Bæjarfulltrúarnir Hlynur Jóhannsson og Hulda Elma Eysteinsdóttir segja nokkur orð og Sigrún María Óskarsdóttir vígir rampinn. Boðið verður upp á tónlistaratriði og óáfengan sumardrykk.