Málefnahópur um húsnæðismál

Hlusta

Málefnahópur ÖBÍ um húsnæðismál var stofnaður vorið 2020. Markmiðið með stofnun málefnahópsins er að sinna réttindabaráttu hvað varðar húsnæðismál fatlaðs fólks.

Tilgangur málefnahópsins er að bregðast við stöðu fatlaðs fólks á húsnæðismarkaði. Langir biðlistar eru eftir félagslegu húsnæði og mjög erfitt hefur verið fyrir fatlað fólk að eignast eigið húsnæði.

Málefnahópurinn ásamt málefnahópi ÖBÍ um sjálfstætt líf sendu frá sér ályktun í nóvember 2020 um ungt fólk á hjúkrunarheimilum þar sem alvarlegar athugasemdir eru gerðar við stöðu fatlaðs fólks undir 67 ára aldri sem er vistað gegn vilja sínum á hjúkrunarheimilum eða sjúkrahúsum.

Málþing og ráðstefnur:

Ungt fólk á endastöð

Fyrsta málþing málefnahópsins var í samstarfi við málefnahóp um heilbrigðismál. Málþingið var haldið á Grand hótel og rafrænt á ZOOM þann 16. mars 2022. Nánari upplýsingar um málþingið er að finna hér

Útgáfa:

Hlaðvarp - þakið

Málefnahópurinn tók um hlaðvarpsþátt á vormánuðum 2022 og var það birt á Facebook síðu Örykjabandalagsins þann 12. apríl 2022. Hlaðvarpsþátturinn ber nafnið Þakið og er hluti af samfélagsvaktinni sem er umræðuþáttur ÖBÍ um allt það sem viðkemur réttindabaráttu fatlaðs og langveiks fólks. Fyrsta þátt af Þakinu er hægt að nálgast hér.

Fréttir og umfjöllun:

Hagnýtar upplýsingar:

Brynja - hússjóður Öryrkjabandalagsins - brynjahus.is
Húsnæði á vegum sveitarfélaga:
- Listi yfir sveitarfélög landsins á vef Sambands íslenskra sveitarfélaga.
- Reykjavíkurborg: Félagsbústaðir leigja einstaklingum og fjölskyldum sem eru undir skilgreindum tekju- og eignamörkum. Hægt er að sækja um húsnæði hjá Velferðarsviði Reykjavíkurborgar. Upplýsingar um umsóknarferli má sjá hér
Húsnæðis- og mannvirkjastofnun - hms.is Fólk sem leigir íbúðarhúsnæði á rétt á húsnæðisbótum. Fatlað fólk á rétt á sérstökum lánum vegna breytinga á eigin húsnæði hjá HMS. Hægt er að sækja um lánið hér
Húsnæði félagasamtaka. Nokkur félagasamtök fatlaðs fólks eiga húsnæði eða sambýli sem leigð eru út:
- Ás styrktarfélag fyrir fólk með þroskahömlun
- Blindrafélagið fyrir fólk sem er blint eða sjónskert
- Geðverndarfélag Íslands fyrir fólk með geðsjúkdóma
- Samtök endurhæfðra mænuskaddaðra fyrir fólk í samtökunum SEM
- Skálatúnsheimilið fyrir fólk með þroskahömlun
- Sólheimar fyrir fólk með þroskahömlun

Málefnahópinn skipa:

María Pétursdóttir, formaður, MS félagi Íslands
Frímann Sigurnýasson, Vífli
Guðmundur Rafn Bjarnason, Blindrafélaginu
María Magdalena Birgisdóttir Olsen, Gigtarfélagi Íslands
María Óskarsdóttir, Sjálfsbjörg
Stefán Benediktsson, Heyrnarhjálp
Tryggvi Axelsson, ADHD samtökunum
Varamenn: Gunnhildur Hlöðversdóttir, Samtökum lungnasjúklinga og Ingi Hans Ágústsson, HIV samtökunum

Starfsmaður hópins: Valdís Ösp Árnadóttir. Netfang: valdis@obi.is