Fréttir

Föstudaginn 28. júní nk. ver Laufey Elísabet Löve doktorsritgerð sína í fötlunarfræði sem ber heitið Sjálfræði, jafnrétti og fötlun: Reynsla fatlaðs fólks sem uppspretta þekkingar við stefnumótun og lagasetningar. Athöfnin er öllum opin og fer fram í Hátíðasal Háskóla Íslands klukkan 14:00. Athöfnin fer fram á ensku en verður rittúlkuð á íslensku. Andmælendur eru Anna Lawson, prófessor í lögfræði við University of Leeds í Bretlandi og Ingólfur Ásgeir Jóhannesson, prófessor á Menntavísindasviði Háskóla Íslands.

Félagsleg aðstoð og almannatryggingar (framfærsluuppbót og meðferð atvinnutekna), 954. mál, lagafrumvarp félags- og barnamálaráðherra. — 2. umræða var á dagskrá þingfundar í morgun, föstudaginn 14. júní 2019.

Mikilvægum áfanga hefur verið náð. Í nýjum umferðarlögum sem sett voru í vikunni er hreyfihömluðu fólki með stæðiskort veitt undanþága frá akstursbanni um göngugötur. ÖBÍ hefur barist fyrir því því að fá undanþáguna inn í lögin enda hefur lokun göngugatna í raun þýtt að hreyfihömluðu fólki hafi í raun verið meinaður aðgangur að þeim. Minnt er á að virða hraðatakmarkanir og taka fullt tillit til gangandi vegfarenda.

Opið bréf frá Þuríði Hörpu Sigurðardóttur, formanni ÖBÍ til stjórnvalda: Ágætu ráðherrar og þingmenn. Ég hef áhyggjur af málaflokkum sem varða fatlað fólk í endurskoðaðri fjármálaáætlun. Ljóst er að þessa endurskoðun á að keyra hratt í gegnum þingið, svo hratt að engar upplýsingar fást um það hvernig raunveruleg útfærsla lítur út. Gengur það gegn 3. mgr. 4. gr. samnings Sameinuðu þjóðanna um réttindi fatlaðs fólks, sem kveður á um að náið samráð skuli haft við fatlað fólk og hagsmunasamtök þess í allri ákvarðanatöku. Talað er nú um endurmat á gæðum og eftirliti, að farið verði kerfisbundið yfir samspil tilfærslukerfa við önnur úrræði með það að leiðarljósi að bæta nýtingu fjármuna og auka skilvirkni. Markmiðið verði að beina einstaklingum í rétt úrræði og gera þá sem fyrst aftur virka í samfélaginu og tryggja sjálfbærni kerfanna. Hvað sem það þýðir.

Allflestir Íslendingar eiga í sínum frændgarði einhvern sem hefur fatlast, veikst eða fæðst fatlaður. Ég leyfi mér að fullyrða að enginn „gerist fatlaður“ í hagnaðarskyni, enda fylgir fötlun og veikindum gríðarlega skerðing á lífsgæðum og fjárhagslegt tap. Staða fatlaðs fólks hefur sjaldan eða aldrei verið verri. Afkomuótti er lífsförunautur þess sem vegna veikinda eða fötlunar neyðist til að draga fram lífið örorkulífeyri einum.

Öryrkjabandalag Íslands sendi velferðarnefnd Alþingis í gær umsögn um frumvarp félags- og barnamálaráðherra sem varðar 954. mál, Félagsleg aðstoð og almannatryggingar (framfærsluuppbót og meðferð atvinnutekna).

Mér er algjörlega misboðið að hlusta á málflutning Steingríms J. Sigfússonar, sem finnst nógu gott fyrir öryrkja að hafa ENN krónu á móti krónuskerðinguna. Þessa sérstöku framfærsluuppbót sem er skert 100%. Þessi sérstaka uppbót til framfærslu lífeyrisþega sem skert hefur verið krónu á móti krónu - var sett árið 2008 með Reglugerð nr. 878/2008. Þetta var gert og kom til framkvæmda árið 2008 í tíð Jóhönnu Sigurðardóttur þáverandi félagsmálaráðherra í ríkisstjórn Sjálfstæðisflokks og Samfylkingar, svo því sé haldið til haga.

Þingsályktunartillaga um lögfestingu samnings Sameinuðu þjóðanna um réttindi fatlaðs fólks samþykkt á Alþingi. Í dag, 3. júní 2019, samþykkti Alþingi þingsályktunartillögu 16 þingmanna sem lögðu til að ríkisstjórninni yrði falið að undirbúa lögfestingu samnings Sameinuðu þjóðanna um réttindi fatlaðs fólks og að frumvarp um slíkt skuli lagt fyrir Alþingi eigi síðar en 13. desember 2020. ÖBÍ fagnar þessum tímamótum.

Öryrkjabandalag Íslands auglýsir eftir fjölmiðlafulltrúa með brennandi áhuga á mannréttindum og öflugum lögfræðingi í tímabundið starf.

„Í 10 ár hefur íslenska ríkið brotið á lagalegum réttindum yfir 1000 öryrkja með því að skerða bætur þeirra. Í júní 2018 skilaði umboðsmaður Alþingis áliti þess efnis að þessi skerðing sé ólögmæt og greiða eigi öryrkjum þá skerðingu sem þeir hafa orðið fyrir í yfir 10 ár. Nú um ári seinna hafa öryrkjar ekki enn fengið neina endurgreiðslu á þessum ólögmætu skerðingum.“