Fréttir

Úrskurðarnefnd velferðarmála felldi úrskurð í máli einstaklings gegn Akraneskaupstað, þar sem deilt var um hvort heimilt væri fyrir bæjarfélagið, að velta kostnaði við fæði starfsmanna bæjarins, yfir á þjónustuþegann, fatlaðan einstakling. Ákvörðun bæjarfélagsins er felld úr gildi og málinu vísað til nýrrar meðferðar. Úrskurðanefnd, sem áður hafði staðfest ákvörðun Akranesskauipstaðar, hafði, í kjölfar kvörtunar kæranda til Umboðsmanns Alþingis, ákveðið að taka málið upp aftur.

Í framhaldi af samvinnu Rúv og Landssamtakanna Þroskahjálp um fréttir af kórónaveirunni á auðskildu máli, hefur Rúv nú bætt í þá þjónustu og opnað sérstakt vefsvæði, þar sem fréttir á auðskildu máli verða birtar.

Embætti landlæknis, Samband íslenskra sveitarfélaga og félagsmálaráðuneytið hafa sent frá sér leiðbeiningar til notenda og aðstoðarfólks í NPA vegna Covid-19.

Eins og öllum er ljóst hefur orðið mikil röskun á starfi hjálparstofnana síðustu vikurnar. Því er rétt að taka saman hvernig starfi hjálparstofnana er háttað nú um stundir.

Nú hefur hafið göngu sína nýr þáttur, Öryrkjaráðið á Samstöðinni. Samstöðin er ný gagnvirk sjónvarpsstöð á Facebook sem hægt er að ná hér Öryrkaráðið er í umsjón þeirra Ástu Þórdísar Skjalddal og Maríu Pétursdóttur.

Hér efst á síðunni er ábendingarhnappur ef þú ert í vandræðum, þarft hjálp, vantar mat eða lyf vegna Covid-19 ástandsins. Ekki hika við að smella á hnappinn til að senda tölvupóst á stjórnvöld eða hringja í síma 1717.

Opnað hefur verið fyrir umsóknir um styrki úr námssjóði Sigríðar Jónsdóttur. Úthlutað verður í júní.

Í umsögn sinni við frumvarp til fjáraukalaga, sem nú er í meðförum Alþingis segir Öryrkjabandalagið það ekki að ástæðulausu að slagorð Heimsmarkmiða Sameinuðu þjóðanna sé "skiljum engan eftir". Tilhneyging stjórnvalda er of oft að skilja eftir jaðarsetta hópa samfélagsins við ákvarðanatöku sína. Umsögn ÖBÍ var send nefndasviði Alþingis í dag, 24. mars og fer hér á eftir.

Þar sem félagsmiðstöðvum Reykjavíkurborgar hefur verið lokað tímabundið vegna þess neyðarástands sem nú ríkir, hefur verið gripið til þess ráðs að senda mat, sem annars var veittur í félagsmiðstöðunum, heim til þeirra sem þess óska.

Í ljósi þeirrar fordæmalausu stöðu sem komin er upp í samfélaginu vegna COVID-19 faraldursins hefur Geðhjálp tekið ákvörðun um að fjölga tímum ráðgjafa samtakanna. Einnig hefur verið tekið upp nýtt samskiptaforrit sem gerir fólki kleift að fá ráðgjöf í gegnum netið.